愛佢變成害佢

//若講剝削，呢啲阿爸阿媽又會唔會剝削咗子女學習求生能力的機會呢？//

我非常認同陸sir今日篇文章,亦道出現今普遍社會現象,現今新一代不愁衣食,有時間諗下無謂野,做下無聊野,一切對佢地來講係理所當然,就好似日常生活咁,出入電梯,屋苑大閘,人家開門佢就大模斯樣咁過,唔該欠奉,少少基本禮貌都冇. 仲要有d一不稱心就亂發脾氣.最攞命係十幾廿歲人,連煮個公仔麵都唔識,點係水滾又唔識,最基本自我照顧 能力都冇,讀書幾叻都死,將來點出去闖?我記得長子以前有個同學,無心向學,成績極差,大家傾到前途問題,佢話唔使擔心,佢有個有錢親戚,開糖果廠,最多幫佢打一世工,仲話個親戚好錫佢,唔會俾佢死..唉!有 d家長,全套計劃幫仔女諗好晒,整個時間表佢地跟住行,完全冇諗仔女取向,冇商量餘地,結果搞出一隻隻高分行屍.

家長關心子女人之常情,但總要處理得宜,唔係會愛佢變成害佢.