文以載道？

黄sir日日上網四圍睇人d文章, 又訂閱蘋果日報, 又買**日報同有時無聊到睇埋東方, 發覺寫出來的有意思, 令人有所啓發, 甚至拍案叫絕的文字, 真係少之又少ｏ

而好似黃sir隨口噏, 當秘笈的居多！

例如罵吓風水佬！評吓正生事件呀！講吓豬流感要小心呀！總之大部份都係見乜噏セ居多, 睇唔睇都冇乜損失果隻！

似乎做人過日辰都應該如是, 見人就講人話, 見鬼就講鬼話, 大家言不及義, 胡吹一番, 就皆大歡喜, 萬事大吉ｏ

尤其是一講到政治, 一講到宗教, 甚至講及身邊朋友的言行, 分分鐘惹來反彈！真係何苦來哉？

寫吓嘢, 吹吓水, 乃黃sir退休後之至樂ｏ

可以同超伯及tt及老哥子等一家人網上溝通吓, 乃黃sir日日有文上網的原因ｏ如果有人以為黃sir日日目的是針對人ｏ

真係冇佢地咁死得閒也！