末日技術

最近黄sir揾番一盒粵劇基本功及一盒粵劇鑼鼓VCR帶準備送俾人ｏ誰知用我部老爺VCR一 PLAY, 竟然食帶！想買部新機玩, 行充整個將軍澳各大電器鋪, 居然全部冇得賣！

可能這個技術已經收皮矣！（相信鴨寮街有二手機啩？）

今日想入番D MD, 準備上深圳操曲用ｏ 唉！連銅鑼灣領先都冇得賣矣！

MD機仲慘, 年前仲有, 有得播冇得錄果隻, 而家又冇得賣矣！屋企三部都壞埋又收皮了！

D 科技日新月異, 玩得两玩, 居然會係市塲上消失, 真係激死人！

記得以往第一代錄像機叫beta 機的, 後來被而家呢隻VHS VCR機種打低, 又係賣賣吓消失晒, 買咗beta 機就激鬼氣！有beta 機帶冇機播仲惨！

仲有第一代蘋果二型電腦好鬼勁, 後來出了IBM小型電腦, 居然又係在市塲上消失咗！

好多科技產品, 玩得两玩就玩完咗！

有時真係想唔進步都唔得！

而家市塲上玩緊一隻什么BLUE RAY的機, D碟同機都貴到死！

黄SIR都未有！

買唔買好呢？吓？