人生悲喜事

上星期三跑完夜馬, 摸下條頸, 無啦啦腫了一大片！

黃sir一向健康, 不以為意！星期四去涼茶鋪飲劑廿四味！以為止得咳！似乎又好咗d！（以為係痰火核之馬！）

星期五同一大班曲友上深圳操曲日夜局！唱成六支歌！高音低音完全冇事！但依然腫起約一 二厘米左右！

星期六繼績去沙田玩跑馬！玩完就去地鉄站揾個医生睇吓！（不以為意！）

医生俾咗d消炎消腫止痛藥加埋胃藥食！仲有五日抗生素（要食晒！）！並着黄sir星期一覆診！再驗！（其實食果d 藥, 只有止痛藥有用！）

但黃sir心想星期三往睇開的張医生處才驗！（等食完d 抗生素先！）

誰知張医生一看！即指甲狀腺有事！

並立即要黄sir往照超聲波！再加抽針驗！

原來此驗乃睇吓有毒或冇毒？有毒即癌！（嚇得我吖！）

搞到呢幾日黄sir 遑遑然！準備有セ衫長褲短！如何打算！飲茶都冇セ節制！食得就食！着得就着！（諗住食幾多！着幾多！整定矣！）

今早十一時, 收到張医生電話！（佢都算唔話得矣！）

冇毒！

一天都光晒！黄sir又唔死得！

張医生話細細粒冇影响就由得佢啦！壓住唔舒服就割咗佢啦！

嘩！執番身彩！仲敢亞支亞佐乎？

哈你老友！亞厘亞多！是為記！