慌生慌死

近日黄sir等檢驗甲狀腺結果, 不禁心大心細！一旦驗出係癌！豈不是玩完？

但上網查吓, 甲狀腺癌只得百分之一機會之馬！

百分之一即幾多呢吓？

如果閣下賭過馬, 就知一匹賠率九十九倍的冷馬跑win, 就大約係只得百分之一機會嘞, 係好鬼死難至跑得出泥嘅！

諗到咁, 黃sir個心就安樂d！（好似成世仔都未中過一次九十九倍大冷win！冇理由今次咁死好彩中啩？）

再查吓, 原來女人患此症的機會率比男人大九倍（呢個九倍並非吹水！乃是網上找來的資料！）！

黄sir登時, 立刻, 飛快入洗手間,  check真d ！仲係男人吖！又再安心d！

原來甲狀腺有事, 會突眼！黄sir 除咗睇醩模外！都冇セ時候係突眼！

手震！心悸！都冇！

似乎又離開甲狀腺病患遠d喎！（通常自已診斷吓！上網咁易揾料！……自以為是！）

總之胡思亂想一番！死又點？唔死又點？死又點？唔死又點？………..

終於證實冇事！唔死得！又可以牙擦擦矣！

嘻嘻！又過咗一關！

一天都光哂！