味之憶之兒時零食

記得黃sir兒時早上返學前, 街坊中有一老人家, 叫顏姐婆（自己得一個人, 冇親人）四點幾起身在地下門前煲白粥賣ｏ（係有白果個隻）綿綿的, 天下第一美味, 如上新鮮油條, 至今戀戀不忘, 後來條街遷拆, 顏姐婆被亞二哥（做包伙食）連同一齊遷戶, 相信而家都返咗舊時果度矣ｏ

至於 缽仔糕, 鬆糕, 雲吞麵, 魚旦河, 全部而家都有, 但味道已大不如前了ｏ就雲吞麵來說, 剩係D銀絲細麵（真係好幼嫁）都食唔番, 湯又唔一樣, 以前用鮮蝦, D壳可以煎湯, 又用大地魚煅灰做, 好味多矣ｏ

魚旦用D牙帶魚, 用手在一大木盤打（我地同個潮州佬熟, 有時佢都俾我打两野,好頂癮嫁ｏ）跟住用一隻手, 逐粒唧出嚟, 成一盤盤圈的魚蛋, 排得很整齊, 再用慹水浸熟就成了, 好食過而家D用機打好多, 彈牙嘅ｏ

以前街中經常有豬腸粉佬, 鹵味佬, 牛雜佬, 煎釀三宝佬, 油麵佬叫買, 有錢就可食過不停矣！可惜當年大家都周身冇文, 要揾一毫子食件烘多士都難！

要到黄sir出身（一九六九年）做嘢時, 就猤愁衣食了！