懷往事之 街童歲月

黄sir細時住在香港 西區 晉成街（已折遷,不存在矣！）ｏ

晋成街是一條掘頭巷, 小朋友可以在街上玩, 例如打波子呀, 拍公仔紙呀, 男仔可以玩跳OVER, 用床板做波枱打乒乓波, 女仔可以跳橡根繩, 抓子, 又可以男男女女玩捉迷藏, 跳飛機,  拋手巾等等集體遊戲, 很多群體生活ｏ

黄SIR也可以和大人捉象棋, 談天說地, 聽大人吹水是一大娛樂, 也學了不少知識ｏ在街上又學到好多街頭智慧, 見一事, 長一智也ｏ

黄SIR當年也是隨着大隊, 一齊去學踏單車,  D人把我放上單車. 在斜路向下一推, 就話之你死矣ｏ 第一次梗係膝頭損晒啦！不過一嘢就學識平衡了, 快過打針也, 唔信你地試吓啦, 從此我就可以扶住D小妹妹教踏單車了, 哈哈！

以前玩的玩具, 好多時都是自製的, 例如用竹可收以做水鎗, 迫啪筒, 用雪條棍又可以做很多模型, 玩金絲貓呀, 養蠶虫呀, 都不愁寂寞也ｏ又可以玩穿膠花, 黏信封, 賺外快也ｏ用一個荷蘭水蓋也可以用一條繩做個風火輪互片！（界斷人條繩, 分嬴輸！）ｏ

以前的小朋友, 比較多群體生活, 很容易就學識與人相處（被人呃一两次就精晒！）, 也是街頭教育, 而家冇左呢一瓣教育了（所以咪改運都有人信囉！蠢到死！）ｏ