懷往事 之 屈地街
2009/12/14 17:14:24 網誌分類: 遊戲
黄sir記憶中的屈地街是電車總站ｏ
當年黄sir收集了一些巨型鉄釘就在此站開出冇遠之處去自製飛劍！當電車開出冇遠, 壓落黄sir放在路軌的釘上就成型（加個劍柄就似到十足十一把劍了）！但見壓釘時, 全車一彈！嚇到司機以為出咗意外！但劍型已成！黄sir用布包起攞走（因好死熱嫁！）
玩得幾次, d站長就出泥干涉！追趕我地班街童！
屈地街對出, 就係海旁, 天熱有d小朋友大胆到跳落水玩水！黄sir 一早知欺山莫欺水的道理, 所以從來都唔玩水！
再沿海旁向西進發, 只見好多人抬米上岸！有d人用一鉄通去刺米袋, 搞到成地米, 就掃米回家, 就有飯食！
而d 人抬嘢上落船就例有支簽記數！過跳板時, 印吓印吓, 十分考功夫！多數潮州人做！成見聽見d冷佬講….. 扶 那 麽！（嘻嘻！）
沿住電車路西行就可到達另一電車總站堅尼地城了！
再行遠d就係鐘聲, 金銀泳棚！黃sir正正式式集泳的地方！
當年d小朋友多數冇錢入塲, 要老遠沿水路游水入去！黄sir 就未試過！因唔識游 兼且又冇胆也！多數跟大人帶由大門入塲！
泳棚有浮台, 又有沙灘！水質未曾汚染！十分清綠！游完水多坐電車返晉成街！快樂的一天！
剛剛見到萬大大英雄要講風水，這裡小弟又有得講，小弟很奇怪，同表弟基本上一模樣，真似二兄弟，更奇怪是命都接近。二人同忌火，所以做電子属火的行業就很辛苦。小弟可能三十多歲時，行正運，轉去做水的行業，所以輕鬆很多。表弟就轉無可轉，繼續辛苦啦。
不是教人迷信，有時真的唔輛到你唔信。
黃 sir，做人有時直的，要懂得轉變。當時李超人懂得轉去做地產，才有發展。塑膠花行業一去不復返。
小弟初來港時，寄居在姨媽家中，就住在屈地街。表弟受我的影響，又投入電子行業，在外埠開電子廠，曾經風光過，之後就是唔懂轉彎，且唔肯止蝕，唔見很多錢。好彩表兄早到步，扎穩腳步，任蝕。
世界越來越難搵吃，唔是咁掛。沙士前一年，表兄來港時訴苦。當時小弟已退休，𤨓鍋鏟。無所事事，陪表兄返外埠，終於說服表弟止蝕。搞下小生意就算啦，起碼皮費輕。
李超人當年在晉成街發放膠花俾人做！家父超伯識佢！長江在西環尾！
吾兄有個朋友陳紹賓也是做膠花的！好似冇發到！
多謝萬大大英雄，對啦，您一提才醒起 ，"香港人造花廠"。
李超人那間是: 長江膠花廠，他的第一确金確是由些而來，其實最大的收益還是得大笨象的頂力支持，發展地產，收購"和記黃埔"。時也，命也，運也。
mattock 兄.那間廠名叫香港人造花廠.李嘉誠派女工混入學它的技術.因而得第一桶金.遲些我講石塘咀風水會提他.
黃sir，小弟由細就很喜歡音樂，礦石機很細已玩啦，聽到真很開心，當時極少人懂。初到步香港，就到中環華人行一間出入口行打工，老細是上海人，太太是港大的數學講師。該行當時是入口唱片機(沒音響部份)，喜歡音樂的我，開正行，立刻加裝擴音機，日以繼夜測試，調效到音質靚極，後來還接到歐洲定單，進一步開廠，之後步進到原子粒新時代，不過始終都是琂機的聲靚些。後來不敵日本的新產品，老細結朿廠，轉去做假髮。小弟開展自己艱苦的歲月。
穿膠花我家姐細妹都有玩過！從來冇當揾食去做！仲有黏信封添！車衣是後來的工種了！
礦石機我也裝過！收倒台時十分興奮！
看來你也是行家！
黃 sir ，小弟以前住在屈地街康樂大廈，電車站有間膠花廠，什麼名，就唔記得。小弟初到就靠穿膠花，賺錢買收音機零件，自己安裝收音機，當時還只是琂機。
謝謝分享 !
+1