懷往事 之 街坊逸事

講開往事, 細時見街坊中的大嬸鬧仔, 都好頂癮嫁ｏ

最經典的一句就係, 衰仔, 冇鬼用嫁你, 生舊义燒好過生你ｏ（當年小弟最鬼鍾意食义燒, 但一諗到可能係大嬸佢生嘅, 就立即冇晒胃口矣！）

大嬸鬧仔, 有時都好鬼毒嫁ｏ 衰仔, 病仔, 死仔, **仔, 就例牌有, 而有時居然咒罵, 話: 咁多人死, 又唔見你死？ 係死就快D嘞, 可以慳番D米飯ｏ

有時仲毒, 話: 要死就快D死嘞, 趁地淋！呢句而家好少人識用,  以前土葬,要掘個窿, 地淋好作業也﹞可見D大嬸都幾有創意ｏ

當然, 大嬸亦非有惡意, 純屬發洩情緒ｏ 而當年D小童被鬧完, 亦鮮有自尋短見, 反而積極玩斗如故ｏ反觀而家D靚（平声字）仔靚女, 嬌生慣養ｏ唔駛鬧, 剩係俾面色佢地睇睇, 已經靜靜鷄入房開窗跳樓, 嚇死人！

大嬸其實鬧人就兇小小, 一般都是善良之輩ｏ有時黄SIR唔小心撞親個頭, 起咗個高樓, 問佢地借D人奶駛駛, 查在患處, 用木屐力壓, 好快就會冇事, 大嬸多數冇托手踭, 爭在冇叫我自取吧了ｏ

想起童年舊事, 鬧仔也成了趣事, 借人奶更充滿了温情, 唔知而家D人…….又得唔得呢？吓？

啋！嘻嘻！