懷往事之山道水澗

現在西區山道斜路的地方, 在我細時是一條大水澗, 有潺潺流水, 可以放鴨仔ｏ

可能大部份人都未試過趕鴨仔, 原來鴨仔會自動排好隊, 成隊咁出發去目的地,又天生能遊水, 跳舞反而唔係幾識ｏ而家黄SIR周不時在跳舞場遇倒D鴨大哥, 都唔知點解會被稱為鴨？（可能女就鷄, 男就鴨吧！）

水澗之旁有一劏房, 據說有鬼ｏ 一些名人自殺, 如林黛, 林鳳等名星都幫襯過,解剖驗屍也ｏ

再上去就是香港大學, 由聖安東尼小學和現在潮商中學之間的石樓梯上ｏ我們成班街童可走去香港大學乒乓球室打波, D大哥哥多數唔趕我地, 反而D校工就冇咁好人了, 讀得書小, 人都小氣D嘅ｏ

沿住香港大學向東行有很多名校, 有聖保羅男校啦, 英皇書院啦, 再去到巴丙頓道就是我的母校, 培英中學了ｏ

培英以往是純中文中學, 但所有數理化生都用英文課本, 老師用廣東話上課, 效果奇佳, 很易明ｏ其後我在中文大學讀書都係全部英文書, 授課語言, 任D老師講, 完全冇限制, 有D用國語, 有D用英語, 有D用粵語, 有D唔知用乜語都有（鄉下話啩？）一樣掂！

反而我見而家政府搞母語教育, 規定中文中學一定要用中文書, 猤准用英語教ｏ英文中學一定要用英文書, 不准用中文教ｏ 左限限, 右限限, 結果累都D老師不可以用佢地最善長的語言教學生, 認真反智ｏ學生又學得辛苦, 數理化生堂都用晒泥學英文, 教數理化的先生, 去教埋英文, 嘥晒D時間同精神,  真係反智！

就算我曾任職的理工大學, 也硬性規定一定要全部用英語授課, 有許多大陸來的教授,  D英文直程嚇死人！佢地本科就有料, 用咗佢地教學生英文, D學生只會退步, 不會進步也！但如果准用國語教, 又完全另一境况了, 學生不止學好本科, 順便學埋普通話, 真係一舉兩得也ｏ 猤過而冢係反智年代. 無法也！

一旦有官僚, 一旦有政治, 就千言萬語都無由訴矣！