懷往事 之 千七狂潮
2009/12/19 02:19:28 網誌分類: 遊戲
黄sir一九六九年大學畢業後, 桓生開始在股票市場設有桓生指數, 最初開始是100點ｏ而當年買股票很艱難, 交易所包括, 港會交易所, 九龍會交易所 和 遠東會交易所 三間交易所ｏ港會是服務傳統大客, 遠東會比較普及, 而九龍會似乎就比較少客幫襯ｏ
當年買股票要經股票經紀, 边有而家咁公平, 公正, 公開ｏ好多時都有人投訴经紀食價, 昇市賺咗, 又話買唔倒, 有好多漏洞ｏ
由我初初買股票（70年代）, 股票漸漸普及起來ｏ 到七三年, 到達瘋狂歲月ｏ股市到達千七點, 全城連擦鞋仔都講股ｏ好多在銀行金融業的人, 不務正業, 入市炒股, 日日魚翅撈飯ｏ新股上市成一時之盛, 有人揚言, 就算揾條狗上市集資, 一樣大把人買ｏ（有D似近日股市也ｏ）
黄sir的老師樂秀章教授, 有兩隻科技股, 香港天線及香港電腦, 一樣由一元炒到三十多元, 银行收投新股的支票, 要用裝生果的紙箱收, 認真化學！全城瘋狂ｏ
當年D人根本冇乜所謂技術分析, 又冇乜知識, 俾D大鱷呃, 又俾D經紀呃ｏ政府明知失控,只出指引叫公務員咪炒股, 又派消防員去交易所, 去淋熄吓D太熱情的股民ｏ
結果一個石油能源危機！股市散晒, 由千七點直插百五點！此役大把人破產！更加好多人輸到跳樓！這就是桓生指數千七點的歷史狂潮了！近日又再見桓指破二万一, 莫非妖霧又重來？！
黃sir，您會不會發覺，美國佬狂印銀紙，全世界去行騙搶錢，好過納稅人繳稅。
很多人以為亞爺的金魚缸專一，其實只要比對下走勢，就會發覺根本是全球一體化。
華爾街大鱷呃到差d自己都瓜埋！
中國d國企一樣簽咗不少 I KILLL YOU LATER！最近先至有監管機構出声指出美國大行設局千佢地！
但人地合法地去呃！用法律條文設局！連中信泰富都死！
可見利害！
qq姐姐早晨，您咁快忘記 雷曼一役，大笨象四腳朝天一役。
直通車未夠刺激，下次直通火箭，‧‧‧‧‧
黃sir早晨,70年代股市真係咁化學 ka?而家股民幸福得多.
qq/+2
黃sir早晨，萬大大英雄早晨，各位早晨，
黃 sir 多謝您提起，小弟最有興趣的話題，73年當時找到個圖表分析的軟件(apple)，看一看，以為很容易發達啦，原來發達的是大鱷，很多人奉献。
後生時好性，條氣唔順，砍完手指，很快又會再長大，再搏殺。後來明白市場是持牌大賭場，持牌人千方百計引君入甕。
公仔紙玩殘後，唔玩一段時間。期指新開張，好性的我怎會唔參與，第一桶金滿載而歸，原來是大鱷的"魚利"，很快就奉献多幾桶金。校長出事當時，以暫離市場，或則一定可以搵回一桶金。最可惡的就是當時的經紀行，想吃小弟戶口的資金，後經交易所取回。
賭搏始終引人入勝，期權的開始，不知是什麼東東，經深入研究，發覺期權是大鱷不敗的利器。後來發下夢，如果我懂得運用大鱷的利器，我都可以不敗。
記得九龍会一早投新股否?全垃圾,一上市破底,越揸越低.
應該唔會像1973年，跌得咁犀利?