懷往事 之 才高八斗

點解話人地有料, 叫做才高八斗呢？（唔知？又係冇讀書啦！）呢個典故出自三國時代之曹子建, 即曹植, 亦即係粵曲洛水夢會, 果個生ｏ

佢在政治上被大佬迫害（爭王位也）ｏ 佢大佬係边個？ 咪頂頂大名冧咗漢朝果位曹丕先生囉ｏ（魏文帝）ｏ

曹丕兄本身文才都十分了得, 中學時讀過佢一篇 “典論論文”, 是文學評論之始祖ｏ 有料到！（未讀過？以前中文中學會考課程, 唸到我死死吓！而家仲記得, 小小ｏ）……..文人相輕, 自古已然, 傅毅之於班固, 伯仲之間矣！而固小之！…….

曹操, 曹丕, 曹植, 三父子, 在文壇上的地位, 比得上 宋朝文學家 蘇軾, 蘇洵和蘇轍, 三父子ｏ 有D似而家BLOG上, 超伯,  KC 和 TT, （ 都係三件頭, 自號天下無敵！）ｏ

閒話表過, 原來曾經有人咁讚曹子建（植）, 天下之才有一石, 而子建獨佔八斗ｏ當時十斗為一石, 可見利害！（佔咗全天下的八十巴仙！勁啩！剩番二十巴仙俾其他人分, 可見誇張！）

時至今日, 形容人才高八斗, 即係有料咁解囉, 就係源出於呢個典故嘞ｏ明冇？

黃SIR文才就算冇八斗, 都起確值一斗啩？

………就係反斗嘞！嘻嘻！