懷往事 之 莊生曉夢迷蝴蝶

錦瑟無端五十絃, 忽絃忽柱思華年ｏ

莊生曉夢迷蝴蝶, 望帝春心托杜鵑ｏ

滄海月明珠有淚, 籃田日暖玉生烟ｏ

此情可待成追憶, 只是當時已惘然ｏ

這是李商隱無題詩其中一首, 黄sir唸出來就只係演吓嘢啫, 以示平生所學又雜又多, 又好記性, 又好悟性, 非尋常人也ｏ好, 吹住咁多先ｏ

今次想講的, 只是其中一句ｏ

莊生曉夢迷蝴蝶

吾友莊周先生發夢, 夢見自己变成了一隻蝴蝶（同梁山伯, 祝英臺一樣）ｏ

飛呀, 飛呀, 飛呀, 鳥噉大地, 十分快樂ｏ

到了他夢醒了, 忽然傻起來ｏ佢問自已, 究竟而家的我, 是不是蝴蝶變的呢？如果我真是在蝴蝶夢中的莊周, 咁我又駛乜咁煩呢？到了蝴蝶夢醒了, 莊周也消失了, 咁我就乜都冇啦ｏ

現實生活, 很多不夠運的人一生中少不免有機會遭逢, 生離死別, 妻離子散, 家散人亡, 英年早逝, 失業失戀, 失婚失學, 意外不幸, 被騙失財, 諸如此類ｏ

此等𣎴幸都會令人情緒低落, 心懷怨恨, 不知如何面對ｏ很多人可能要別人輔導才可渡過難関ｏ（如心理醫生, 宗教高人, 網上奇才之類ｏ）

可有想過, 用吾友莊子先生的角度, 看看你自已ｏ你可能只不過是蝴蝶夢中的你,你的一切不幸, 都是如水中月, 鏡中花, 不實際存在ｏ正如BLOG上的美女, 才子, 都是幻象吧了, 咁你地個心又會唔會舒服一D呢？

剛剛跑完了八塲夜馬, 唉, 水中月, 鏡中花ｏ

都是幻象ｏ

金銀財帛, 轉眼成空, WIN Q 投注, 猶如一夢ｏ

哈, 諗諗吓, 唔知在蝴蝶夢中又會唔會賭馬呢？

咁蝴蝶輸咗馬又點找數呢？吓？