炒援助市

2010/02/10 09:44:31 網誌分類: 經濟

10 Feb

德國可能出手拯救希臘的消息傳出，刺激美股週二強勁攀升，杜指重返萬點大關之上，大宗商品價格上漲令原材料股及能源股能源類股獲得提振。杜指開市即抽升115點，中午前更一度漲逾230點，午後升幅收窄。杜指收報10059點，升150點或1.5%；標普500指數漲14點或1.3%，收報1071點；納指收報2151點，升25點或1.2%；羅素2000種小型股漲1.5%。杜指期貨最新報10019點，比現貨低水40點。VIX或「恐慌指數」回落1.9%至26。

港股美國預托證券造好，ADR港比指數收報19909點，比香港收市高118點或0.6%。匯控收報79.95元，比香港收市高0.8%；中移動收報76.07元，比香港收市高0.1%。

《華爾街日報》報道，德國正在考慮為希臘以及其它國家提供貸款擔保。而歐洲央行行長特裡謝提前離開悉尼財長峰會，以便參加明日歐盟領導人特別會議，亦提高了市場對歐盟救助希臘等國家債務問題的憧憬，歐元與歐洲股市在週二上漲，美股早段升勢淩厲，不過，德國政府發言人在美股中午時段一度表示，德國援助希臘的報道「無事實根據」(unfounded) ，話明天歐洲領導人峰會前唔會有決定，美股漲幅隨即收窄。

德國出招的講法可能空穴來風，未必無因，不過並非對希臘的無條件的貸款擔保，或者並非只由德國出手。德國財長Wolfgang Schaeuble今天會向德國議員講解如何支持希臘政府。德國財長計劃在當地時間今日早上7:45將會發表講話。而德國首相的財政事務發言人Michael Meister昨日就話，「我地考慮緊支持希臘的行動。」新任歐盟經濟專員Olli Rehn昨日亦曾解釋過救希臘的問題，話「我地在探討緊一種廣義的支持。」而德國首相財政事務發言人Meister就話，「對希臘的支持將有嚴格的限制條件，前題是希臘政府將會進行深遠的財政改革。」

雖然歐盟過去一直強調，只要希臘按計劃在3年內把財政赤字由佔GDP12.7%降低到3%就可以，不需要有拯救希臘的B計劃(Plan B)，但隨著市場愈來愈唔信希臘自己可以搞掂，睇嚟真係有Plan B。巴克萊資本的歐洲首席經濟學家Julian Callow話，「見到呢種計劃絕不為奇，只是時間問題，他們要設計到有足夠的罰則，以免出現一出事就有人救的道德危機(Moral hazard)，同時鼓勵西班牙等國保持自己屋企乾淨企理，唔好等人去救。」

有末日博士之稱的紐約大學教授魯賓尼(Nouriel Roubini)話，歐盟考慮援助希臘係正確的一步，但如果由國際貨幣基金會借出貸款將會更好，因為國基會的援助會基於清淅的條件，要求受助國實行相當的財政和結構調整目標，但如果是歐盟或德國提供貸款擔保，就可難要求這些擔保附有條件。

我地會比較關心若歐洲真係有援助方案，情況會係點，睇嚟短期可以炒吓援助市。Robert Baird的首席投資策略師Bruce Bittles則表示，如果援助希臘的計畫面世，形勢有望能穩定下來。不過他認為援助希臘的計畫對股市的影響可能係暫時嘅。因希臘並不是唯一一個出現財政問題的國家。投資者通常受傳聞影響而買入，然後在正式消息公佈後選擇賣出，股市可能在實際援助計畫出爐後下跌。

我估都要睇援助方案設計得好唔好，若果只是一個貸款擔保計劃，例如希臘用4厘向德國買一個國債的信貸違約調期(即債券保險)，又或者在必要時得到例如四厘的低息貸款，渡過眼前難關，但外國的援助未能針對問題的本質，若希臘國民抗拒唔肯減赤(好快有60萬希臘公務員罷工抗議減薪)，援助方案只是治標而不治本，當市場炒完反彈後，小心大市仍有反覆也。

陸羽仁

回應 (78)

我要發表

2010/02/11 19:41:05 回覆

請問為什麼上面會出現, 的功能鍵. 謝謝!

2010/02/11 11:22:18 回覆

陸老師︰

謝謝老師解答。

我的概念可能錯了，我想做「投資的我」，壓根兒卻抱著「短炒」的心態呢。

我是抱著這種心態投機的，即大跌時買入很難輸大錢的「大股」，然後在等反彈，若果彈不了，就視為「長線投資」……

從動機來說，我還是接近「投機的我」吧，只是以「投資」的角度限制自己「投機」的範圍而已~

陸羽仁 2010/02/11 11:13:45 回覆

陸羽仁覆網友

CCB:你問在１９４００點買的貨，應否在而家鎖定利潤，又話有資金可守。我覺你要先搞清楚觀念，在１９４００點買的貨，你想而家鎖定利潤，我假定你係以「投機的我」心態入市，否則唔會咁快諗住「鎖定利潤」，若短炒就唔好話「有資金可守」，短炒唔需要做人世，唔好諗住「守」，得就坐，唔得就走。我建議若短炒的盤，在低位買咗，最好等好消息面世時，即歐洲救希臘方案面世時，若個市大升就沽一半鎖定部份利潤，剩餘可以睇吓，得就坐吓，先定止賺位，唔得走埋。

若是「投資的我」，想法完全不同，19400點入的貨，可能無25000點以上都唔好沽。

Myself:升市估頂和跌市估底一樣，經常會估錯，跌市時會不斷試底，令估底者經常錯，不過見到個市跌到很累唔想再跌時，唔係短期底都係近底。

但你拉長幾年來講，用「投資的我」的角度，以恒指１９０００點或國指１１０００點來計，就算買貴咗，都有得守o既。特別係買國貨，風險相對可控。所以投資者逢大跌都買吓亦啱。唔怕買貴，最怕買錯。

Hero:青啤以現價計比高位回落了近２０％，呢隻股係大路啲可以買的內需股。

Dick:如果你是投資者，想買建行，我覺得現價都可以買吓，因為佢升５％或跌５％的機會同樣咁大，若果你係升咗就唔會買那種人，就不妨買吓。你問中航科工和騰訊，中航科工再跌１０％的機會少過騰訊啲，現價可以買少少先。

火柴：若不想回大陸買樓，買優質內房股都有類似效果。

2010/02/11 10:45:56 回覆

陸老師︰

謝謝老師先前的回覆。

今天重逾二萬點，若有早前19400左右買的貨，是否應在今天鎖定利潤呢？

還是等到明天較好甚或持貨過年較好？

那都是可以守的資金~

謝謝指教。

2010/02/11 10:34:32 回覆

回想07年股市急升時，一位網友問陸sir，點解股市升得咁離譜，都冇人出來話睇淡，記得當時陸sir答，不合理上升的股市可以繼續不合理地上升，當有人出來講睇淡，但股市繼續日日上升時，睇淡變成自打嘴巴，久而久之，睇淡的聲音便消失了，所以股市剛開始貴時，會有人睇淡，當升到非常貴時，反而冇人敢睇淡，真有趣，最近跌市亦一樣，跌市睇好，係自信與忍耐的磨練，當股價跌入合理區時，有聲音建議買貨，當不合理低的股價跌得更低時，反而冇人敢睇好，就是「投資的我」進場，分注買價值股的最合適時機。

2010/02/11 10:22:52 回覆

陸 SIR:

我想問咁多種內需股當中....你會較看好邊一隻...168 ??? 2020 ??? 3808 ??? 1068 ???

168 呢一類市場一直都好似比較睇好

THX

2010/02/11 10:18:50 回覆

Luk Sir及各位好：

現有一注建行$6元買的，想再等她跌多5%再入多一注，應否再等一下還是在呢段時間買呢？

我手上沒有中航科工(2357)及騰訊(0700)，想等低多點才買，你認為這兩股會有幾大機會下調多10%呢？

2010/02/11 09:29:04 回覆

大師: 我練緊獨孤狗劍只攻不守~~呢噢 ${#icons_panda17}$

2010/02/11 09:10:16 回覆

內地“节后股市” ...... 前19年，14年上

今明兩天會否出現強勁買盤呢噢.... ${#icons_panda23}$

2010/02/11 08:55:20 回覆

澳大利亚 1月季调后失业率5.3%，预期5.6%

這消息令澳元升....會否令亞太股市加動力呢噢 ${#icons_panda3}$

2010/02/11 07:34:28 回覆

噢!

2010/02/11 06:56:04 回覆

Dow Jones Industrial Average(DJI: ^DJI)

Index Value:	10,038.38
Trade Time:	4:03pm ET
Change:	20.26 (0.20%)
Prev Close:	10,058.64
Open:	10,055.46
Day's Range:	9,962.96 - 10,085.54
52wk Range:	6,440.08 - 10,767.20

2010/02/11 06:32:46 回覆

伯仁有葵花寶典

飛仁有辟邪劍法

唔使爭呢噢!

2010/02/11 06:28:25 回覆

噢!

2010/02/11 02:56:00 回覆

陸sir,

多謝你既回覆. 我都有唸過返上海,北京買. 不過第一, 唔熟價, 驚比人呃. 第二, 我唔可能不停返去. 一年返1-2次就okay. 所以最後都放棄左. 如果係投資, 都係買股方便好多.

Thanks!

2010/02/11 02:07:27 回覆

2010年02月04日 09:30

中策組：太子黨俱樂部﹖作者﹕蔡子強【明報專訊】最近有一宗新聞，大部分報章都走漏了眼，只有《成報》於2月1日有作報道。
那就是作為政府智囊的中央政策組，其最新公布的非全職顧問名單，若然細心考察，大家會赫然發現，當中不少是親中紅人的第二代，包括：
陳晴——前港澳辦副主任陳佐洱的女兒
黃友嘉——前基本法委員會副主任黃保欣的兒子
范駿華——全國人大常委范徐麗泰的兒子
許華傑——已故港進聯立法會議員許長青的兒子
施榮忻——全國政協委員施子清的兒子
胡曉明——全國政協委員胡法光的兒子

巧茹與小泡泡 2010/02/11 01:15:08 回覆

轉載

世紀爭產案第一回合落幕，贏家除了原訴人華懋慈善基金及未來的受助人之外，還有雙方的律師及大律師團，其中一個是余若海資深大律師。余若海為人低調，在行內當然大名鼎鼎，但公眾知名度遠不及其胞姊余若薇。

在上次立法會選舉，余若薇澄清她的父親是普通打工仔，並非出身豪門，一個打工仔家庭能夠培育出兩個資深大律師，體現當年的香港是一個機會之都，可以讓有能力肯努力的年輕人平步青雲。家境不好不重要，也不用在名校網地區買樓，升中試成績好，全港好學校任你選，入了好中學，入大學便有保證，畢業後便可以躋身中產，實現香港夢。

可惜在很長一段時間，教育政策把這條向上流動的階梯斬斷，名校轉直資，大加學費，分區派位，令弱勢地區家庭望名校之門而輕嘆，升學除了看考試成績，更看才藝課外活動，窮家兒女，在起跑線上已注定輸蝕。今日做個普通打工仔，怎敢奢望子女日後能當資深大律師？社會已成門第社會，出身重要過能力，是下任特首不可不解決的深層次矛盾。

${#icono_67}$

2010/02/10 22:50:21 回覆

LOSS兄，我同你一樣，隻紋身.........唉。

2010/02/10 22:41:09 回覆

大市無論升跌，已有策略去應付，何懼哉﹗ ${#icono_42}$

2010/02/10 22:24:46 回覆

貓兄, 係呀, 你睇下張菜單有無野要改 ${#icons_dog1}$

${#%7BBF075F5B-9309-4D14-9435-AE5BF927D756%7D_32%E8%8F%9C%E5%96%AE%202.jpg}$

2010/02/10 21:50:15 回覆

剖腹吧, 十年內吉利代之.

重壓之下的深躬﹕週二﹐豐田汽車(Toyota Motor Corp.) 董事總經理Yuji Yokoyama（右）在向日本國土交通省提交了產品召回文件後深鞠一躬。豐田公司將因防抱死系統故障而在全球範圍內召回近50萬輛轎車。

2010/02/10 21:47:58 回覆

閒人, 是不是食飯先! {#20080508135807420.GIF}

2010/02/10 21:44:34 回覆

貓兄, 小寶爹哋講得啱, 我係話農曆新年呀 , 你又升職又加薪, 應該請食飯, 我公司好近你公司, 幾時約埋在公司附近食番餐呀 ${#icons_cat2}$

2010/02/10 18:20:00 回覆

賣 hea..... {#200811041452146672.gif} 賣hea.... 賣到 hea hea hea hea {#20080508135807420.GIF}

2010/02/10 17:50:08 回覆

牛腩，人地講農曆呀!!!

${#icons_cat3}$

2010/02/10 17:45:34 回覆

小寶sir, 你想像力非常豐富! ${#icons_cat2}$

閒人, 是新年之後 2010. ${#icons_dog7}$

2010/02/10 17:34:14 回覆

牛腩係:

高級滅鼠經理!!!!

${#icons_cat2}$

2010/02/10 17:29:36 回覆

牛腩係做食環署 - 滅鼠隊的，無野做即係無鼠患喇...so:

" 公司請我返來目標只有一個: 我無野做! "

而且呢個部門d人又興"蛇王"...

唔..."貓"捉老鼠呢...

2010/02/10 17:21:19 回覆

貓兄, 恭喜你未到新年先升職加薪

2010/02/10 16:58:31 回覆

大師, 我都話o左不是做資訊科技維修!

你不洗估, 我份工同股市一樣估不到! ${#icons_cat2}$

名仔, 得個 ${#icono_74}$ ${#icons_cat4}$

2010/02/10 16:46:51 回覆

今日升得唔勁, 成交又少......參考價值不大....

繼續觀戰 ${#icons_panda21}$

2010/02/10 16:39:13 回覆

死人政黨, 俾番1.59億出來, 攪屎攪棍攪補選, 平均每個香港人要俾二十幾蚊....

死人芬佬, 插夠唔該掃番上, 我輸得好慘........

死人金魚...........

2010/02/10 16:29:48 回覆

大師: 飛仁好像不知不覺使左獨孤狗劍呀!!! 只攻不守......呢噢 ${#icons_dog6}$

獨孤九劍共有九式：

總訣式是獨孤九劍的根本關鍵，有種種變化，用以體演這篇總訣。
破劍式用以破解普天下各門各派的劍法。
破刀式用以破解單刀、雙刀、柳葉刀、鬼頭刀、大砍刀、斬馬刀種種刀法。
破槍式包括破解長槍、大戟、蛇矛、齊眉棍、狼牙棒、白蠟桿、禪杖、方便鏟種種長兵刃之法。
破鞭式破的是鋼鞭、鐵鐧、點穴橛、枴子、蛾眉刺、匕首、板斧、鐵牌、八角槌、鐵椎等等短兵刃。
破索式破的是長索、軟鞭、三節棍、鏈子槍、鐵鏈、漁網、飛鎚流星等等軟兵刃。
破掌式破的是拳腳指掌上的功夫，將長拳短打、擒拿點穴、魔爪虎爪、鐵掌，諸般拳腳功夫盡數包括內在。
破箭式總羅諸般暗器，練這一劍時，須得先學聽風辨器之術，不但要能以一柄長劍擊開敵人發射來的種種暗器，還須借力反打，以敵人射來的暗器反射傷敵。
破氣式方面，風清揚只是傳以口訣和修習之法，說道：「此式是為對付身具上乘內功的敵人而用，神而明之，存乎一心。」書中並無明言破氣式的原理，也是金書武論愛好者經常討論的題目。