懷往事 之 福至心靈

當一個人生活了一段日子, 常常都會感覺得有運氣這一回事, 當你運到的時候, 真係順風順水, 正所謂: 時來風送滕王閣也ｏ（ 知唔知呢個典故呀？所以要讀多D書囉！）

這典故就是說王勃先生的故事ｏ 此君在朝廷不得志, 回鄉, 誰知一場風, 將佢隻船吹咗去滕王閣ｏ剛剛當時有一個文人盛會, 無人敢同主人的女婿爭寫滕王閣叙會的序文, 呢位老兄, 一個唔該, 就大筆一揮, 寫出了這篇千古傳誦的膝王閣序ｏ

其中寫到, ……..落霞與孤騖齊飛, 秋水共長天一色 两句時ｏ一直條氣唔順的主人（因搶咗佢女婿之風頭）立即寫個服字ｏ奉佢為上賓！粵曲中有首落霞孤騖就係用咗做生旦的名字！林家声的作品ｏ

呢篇文係好值得大家一讀嘅, 古文觀止就有嘞！

講番福至心靈, 如果你有運, 你就自自然然會做出一D行為, 令你行正運ｏ 我就試過行行吓街, 無啦啦行咗入投注站, 買咗將自選嘅六合彩, 中咗五個字, 成皮嘢, 都幾福至心靈嫁！

記住要不經意噃！