懷往事 之 與牛共舞

曾經有一理論, 就是在牛市中, 有如斗牛一樣, 千祈咪企係牛的前面, 這是一件很危險的事ｏ（即係千祈唔好唔信邪, 空佢, 搏跌市）ｏ

一定要跟在牛的後面才安全, 跟住走, 即係要睇好, 賺咗就走, 千祈咪玩斗氣ｏ

曾經有位網上期貨專家, 在上一次石油大牛市玩唔信邪, 空完又空, 結果連命都輸埋,吊頸死鬼咗, 佢就係企正係隻牛前面, 點唔死吖ｏ可憐的是, 隻牛撞死佢之後就回頭走, 跌完又跌, 如果佢唔死, 一定已經發咗達啦ｏ

近期股市大牛市, 昇完又昇, 頻頻創新高, 如果買PUT輪, 真係輸死人ｏ 反而D師奶, 跟住隻牛牛, 問吓青姐, 日日好易中, 好易執餐餸ｏ 因為跟住隻牛後面, 實冇衰格, 但一旦由牛變熊, 咁就变咗企係熊人前面, 一樣會死嫁 小心！小心！

以前國民黨同共產黨打內戰, 國軍節節敗退, 軍隊士氣低落ｏ 吾友蔣介石先生,軍事天才也（黃埔軍校校長）, 想出了一聰明做法ｏ 只要戰敗, 軍官就大声呼喚, 向後轉, 繼續前進ｏ（試想想, 向後轉, 方向变了, 繼續前進, 還不是逃跑？）轉進的說法,  真偉大 真虧佢老先生咁都諗倒, 結果咪有中华民國在台灣囉ｏ

大家在股市, 都要有咁嘅精神, 千祈唔好怕瘀, 有乜依郁, 向後轉, 繼續前進可也ｏ 明未？嘻嘻！