願者上釣

據說吾友姜太公先生未遇文王之前, 在渭水用直鉤去釣魚, 有人問佢點解, 佢就話願者上釣, 其實這就是佢最偉大的治人之術ｏ

何謂願者上釣, 就是冇人迫你做, 你自已自願去做, 死而無怨ｏ

例如在港英年代, 政府冇叫人買樓, 但人人為樓奔馳, 一生人為了層樓營營役役,樂此不疲, 此之所謂願者上釣也ｏ

又例如唐代開科取士, 從此讀書人為了功名, 自動自覺窮一生的精力, 去考取功名, 冇人迫人讀書, 但人人努力讀書ｏ

所以連唐太宗不禁自鳴得意, 說天下士人盡在其術中而不自覺！如果佢唔爆響口, 世人都唔知佢咁高橋也ｏ

現代發明銀行利率的大哥（好似是凱恩斯先生）一早攞咗諾貝爾獎啦ｏ點解咁偉大, 就係利用銀行利率, 叫人儲蓄就儲蓄, 叫人駛錢就駛錢, 不用求人, 願者上釣ｏ既然咁偉大, 梗係得獎啦！

所以政治最高招是願者上釣, 幾千年前, 中國的姜太公先生已經知道啦ｏ可惜能讀書讀到在下咁通的, 真係少之又少ｏ

而家你知邊個至勁啦ｏ 服未！