難得糊塗
2010/03/07 10:43:29
網誌分類:
文化
做一個精明的人易, 做一個事事都不計較的人難o能夠明知蝕底, 也可以處之泰然!就更加高招了!
所以黃SIR做人日子耐了, 就會有難得糊塗之歎o
所謂糊塗, 並不是不通世事, 不知進退, 而是因事制宜, 用智慧去解决日常的困難o
曾經論語有一段記載, 子路(孔子弟子中最好打的一個)和一個農夫爭論o 農夫向子路說, 如果天下間冇四不像(一種古代的怪獸!), 我就把人頭割下送給你, 如果有, 你就只要送我一頭牛o
子路明知自已嬴硬, 但問邊個先至可令對方信服呢?農夫話梗係問閣下老師孔子啦!
誰知一問之下, 孔子話: 四不像我見過, 當然有啦!子路你要送隻牛俾人, 子路當堂為之吹漲!
等農夫走咗之後, 子路就質孔子, 乜咁大整蠱!
孔子就解釋俾子路聽: 我話冇, 人家就要人頭落地, 死人嘅噃!而家你不過損失了一頭牛, 大家都歡喜, 是不是做人難得糊塗好D呢?
所以大家見倒黄SIR在此吹牛, 也不要太認真, 我都係損失頭空氣牛之馬!嘻嘻!
如果農夫下次落重注,以家人性命.....o
我到今日先知原來自己咁高招 !
+1