數字的活力

講到用腦, 其實任何事物, 大家都可以利用自已的聯想力, 令枯燥無味的事物,賦上生命 ｏ唔明？

等黃SIR一顯身手, 解釋俾大家聽啦！

例如很多人感覺枯燥無味的數目字, 黄SIR就覺得很有奇趣矣ｏ

知否 一 是很懶惰的,  二 是很勤力的呢？  

一 不做, 仲唔係懶惰？ 二 不休！仲唔係勤力？

三 又係懶鬼, 四！（亞哥）就經常有運嘞！

三（蟲）四（得）吖馬！明未！ 三係懶蟲！ 四就得米也！

五就無寧两可了ｏ  

冇聽過人人都話五五波咩？

至於亞六就一世無憂了, 所謂六六無窮吖馬！

七就籍籍無名矣！

有所謂三九唔識七的講法也！

八同九一定勢成水火嘅, 因為九係唔會答八也！

哈哈！係咪隨手拈來, 係唔係每個數字都充滿了奇趣呀？

點解黄SIR咁鍾意去馬場玩樂？ 就係因為有時呢D咁奇趣的數字, 有時胡厘胡塗, 可以收幾千文Q, 甚至幾万文三重彩！ 根本同D馬仔都冇乜關係！

黃SIR有時會買九死一生（九 四 一 三 互穿, 博彩走馬射蚊鬚, 仲唔係九死一生咩？）ｏ 有時又會買 七 十一單Q, 因為日日都幫襯七仔, 有感情嘛！, 總之福至就會心靈嘞！明未！

上次港澳杯, 三九两丁七就中正單Ｑ！十鷄就派成二千幾皮矣！

點解咁風騷？今日又有馬賭囉！明未！

嘻嘻！