數字的活力 2
2010/03/11 00:11:16 網誌分類: 賽馬
曾經有人問, 點樣黄SIR由一講到九就算！唔講埋拾吓拾吓 （我答因為俾佢專用咗！）當然係講笑啦！
原因是 一 至 九 先至係單位數, 拾只是一加個零, 係雙位數ｏ 中文字拾代表十全十美, 即冇水可吹也ｏ
中國人係以九為最大, 有所謂九五之尊也ｏ 事實上在中國河圖洛書中（知唔知係乜呀？）, 就包含了 一 至 九的九個格ｏ 每行打橫打直打斜加埋都係十三, 係一個數學上很有名的個案 （想識？俾D心機讀多D書啦, 唔止讀, 仲要明解至得！黃SIR就係又明, 又識（亂）解之人嘞！）
剩係玩由 一 至 九, 都有排玩啦！
例如 亞一 同 亞二 同 亞三 成鬼日要係埋一齊嘅, 唔明？ 因為一不離二, 二不離三吖馬！ 仲唔係要係埋一齊呀？
四就多數結倒婚, 亞五就惨D嘞, 有時都要分裂開嘞！四分（婚）五裂 吖馬！
亞七就要去表演脫衣舞至揾倒食, 亞八成鬼日借大耳窿錢, 一定會俾人折骨也！唔明？七 除 八 折 吖馬！
亞六 用 亞九 就一齊約埋去勾引男人至得！﹝九 六 两頭勾 吖馬！﹞
咁又得囉！
好易？
你又照辦煮碗俾我睇吖！
你又得咩？吓？
嘻嘻！
得之至啦！哈哈！
補充︰
亞大同亞二應是連體嬰！
我又玩！
古時有九兄弟，亞大同亞二係雙胞胎，亞大是儍，因他個心俾咗亞二用，因得一個心。(一心二用)
亞三最唔妥亞六，因亞六在佢對面開了同一樣的鋪，賣同一樣嘢，搶曬的生意，
攪到成日打交，(三衰六旺)
都係亞四同亞八好啲，打份牛工，穩穩陣陣，但發達就無份。(四平八穩)
亞五同亞七就慘啦，好做唔做一個走去教書，一個走去當兵，教書個教到肺癆，當兵個週時被人打到傷晒，(五癆七傷)
細佬亞九見到啲大佬咁，話做人無前途，走咗去投胎，(九轉輪迴)
得唔得呀！嘻！嘻！