數字聯想力
2010/03/11 17:24:57 網誌分類: 賽馬
講開數字, 好多人都覺得很頭痛o 其實大家加D聯想力, 很多數字的組合是充滿了奇趣的, 君不見政府D車牌, 有D組合賣成百万嫁!
有D儍瓜, 亂鬼咁買, 連1663都話好嘢, 話係一路路生(生仔都大劑啦!), 黄SIR就掩咀而笑嘞!1663, 一碌落山就真!仲唔大吉利是乎?
例如163 , 162, 168 就好好多嘞!一路生, 一路易, 一路發也o
黄SIR以前去親澳門狗場, 差不多次次都嬴錢, D人都唔知黄SIR有乜招數, 其實好鬼死簡單, 以前跑六隻狗, 我就買one two six (温 吐 食)即係….揾倒食咁解!多數(多數咋!)揾倒食o
其實跑狗揾倒食(温 吐 食), 都有D理論根據, 跑狗係跟籠位排序, 一同二係內欄, 冇遮冇檔, 梗係佔先D啦(走圈跑少D路也!), 而六號大外檔, 如果隻狗夠快就頂住三四五, 係唔係三四五下風D呀?可能狗會怕咗我, 後來改跑八隻, 打斷了我條私家財路!而家只係間中得一两場六隻, 黄SIR於是就冇玩好耐囉!
有次賽馬, 頭五塲馬都有一號, 非WIN即Q, 黃SIR最鍾意買一號, 通常一號隻馬質數係果塲最高(成組馬最高分!)不過要孭重磅(磅最重!)一旦果日重磅馬啱跑果日D塲地, 嬴開就嬴!黃SIR係咪好有腦呢?
仲有平磅賽, 唔買一號就老襯矣, 因為一號分數至高, 又平磅出賽, 一定有着數啦!星期日打吡大賽就係平磅賽了!
一唔係就買檔位吖, 快活谷跑馬, 經常一至六檔佔優, 此乃香港馬迷之共識也!
黄SIR就係靠D數字, 生活充滿了奇趣了o
好玩啩?
回應 (0)
我要發表