樂觀面對逆境 2

香港近年大雨, 一些海味鋪, 損失成百万, D鮑魚一隻隻隨水飄, 魚翅燕窩浸到濕晒, 老板損失惨重！真係喊都無謂ｏ

禽流感出現, 又要狂殺鷄隻, 鷄販損失慘重, 又係屬於喊都無謂個類ｏ

海面紅潮, 漁排養D魚全部瓜清, 養魚戶又係喊都無謂ｏ

隨手拈來, 已經是很多無端端飛來的橫禍ｏ

至於有D人更加唔好彩, 住係個開煤氣自殺嘅人隔離, 有人一按鐘, 連隔離屋D人都爆死埋, 你話係唔係黑過墨斗？

又試過有個老婆婆, 行行吓街, 樓上有人跳樓, 一嘢壓鬼死咗佢！唉！真係無辜辜也ｏ

人生有時唔好彩, 在所難免, 黑到瓜鬼咗, 就無話可說ｏ 如果仲有番條命, 即是人生仲有希望也ｏ

話說春秋戰國時, 有個叫張儀的人（六國大封相的蘇秦的師弟！）, 佢係一個說客,  佢未發時, 参加一個高官酒會, 有人將件宝物傳出去俾大冢欣賞, 豈料傳到佢手, 突然燈黑晒ｏ（真係黑過墨斗）宝物唔見咗, 主人就話張儀同人夾計鼠咗, 打到佢死死吓, 仲將佢丟入毛廁自生自滅！

有個老友好心救番佢, 佢返到屋企, 佢老婆就媽义佢, 怨佢四圍去遊說, 差D攪到連命仔都冇埋ｏ

誰知張儀就伸條脷出泥, 問佢老婆, 條脷有冇爛？

佢老婆以為佢俾人打到SHORT鬼咗, 張儀就笑笑口話 就憑我呢條三寸不爛之舌, 將來一定給你帶來榮華富貴！（何等自信！何等洒脫也！）

果然日後, 張儀遊說秦王成功, 做了秦國的相國！荣華富貴！

（呢個故事就係教導我地: 做人要樂觀地去面對逆境ｏ 明冇？）

三寸不爛之舌,！黄sir都有啦！大家一樣都有啦！共勉！