樂觀面對逆境 3

唱粵曲有很多逆境自強的故仔ｏ

歷史上逆境自強, 首推越王勾踐, 佢最有名的行為就係臥薪嘗膽, 卧薪就係瞓係D柴枝之上, 嘗膽就係用條脷試D膽汁的苦味, 時刻提醒自已要積極復國, 係一個很努力去克服逆境的故事！

至於講到窮, 有句俗語, 叫做窮過蒙正, 蒙正先生係一個窮書生, 不善生產, 家徒四壁, 連年尾謝杜也冇肥豬肉, 只能用清水一碗謝灶, 出了名窮！結果老婆都走埋佬, 同朱買臣兄遭遇一樣ｏ（覆水難收的成語就係出自佢老哥, 因為佢發佐之後, 佢老婆要求復合, 佢就在馬前倒一盤水出去, 要老婆收番盤水番泥, 結果梗係唔得啦！）呢D故事都係教人莫欺少年窮！

粵劇吸引人的地方, 好多時都係大團圓結局！粵劇亦然！就算帝女花, 生同旦雙雙仰药於含章樹下, 最後都會在天上相聚！

所以唱粵曲, 睇粵劇也不失為面對逆境的一個好方法也！

有個研究, 講香港長者唱粵曲, 聽粵曲, 睇粵劇的, 比沒有此嗜好的快樂N倍！亦長寿N歲！信不信由你！

聽講跳舞亦然！嘻嘻！