江郎才盡

曾經有人驚黄sir會有日江郎才盡, 到時乜都冇得拋, 只能拋馬經ｏ

先講江郎才盡的故事給大家聽, 江郎即江掩先生, 佢閣下年輕時, 發夢, 夢見有一仙人, 送了一枝彩筆俾佢, 枝筆居然長出花來（此乃夢筆生花的故事也！）從此江掩先生文思如潮, 文章倚馬可待, 天下聞名ｏ 誰不知, 到了晚年, 又有一日, 又夢見了這位仙人, 要收回佢枝彩筆, 從此再也寫不出佳作, 所以世人稱之為江郎才盡！

講完江郎再講夜郎, 夜郎是西域一個小國, 重細過澳門, 誰知此國的君主, 見到唐朝的使者, 竟然夠胆問中國大還是夜郎大？所以世人稱呼D井蛙之輩,未見過世面之人,又大言不慚！ 就話佢夜郎自大嘞！

至於黄SIR會唔會江郎才盡呢？我話就一定唔會嘞, 因為我從來都未夢過仙人俾枝彩筆我, 而家用緊係蒙恬聽寫王, 唔係夢筆, 而且就算我才盡, 都只係黃郎才盡之馬！又點會係江郎才盡呢？

至於黄SIR係唔係會夜郎自大呢？ 你睇我不費吹灰之力, 就揮筆寫成這篇, 江郎配夜郎雙拼嘅文章！奇才喱？

咁都話黃郎冇料, 點至算有料呀？

吓？嘻嘻！