絕學無憂

絕學無憂 這句是老子道德經的說話ｏ 道理也很顯淺, 絕學即閣下擁有的學問或技術, 乃天下無敵的, 無人能及的, 絕對係勁揪的ｏ 咁閣下就乜都唔駛憂啦, 打跛隻腳, 都可以歎過世啦, 到處受人歡迎啦, 快活過神仙啦！

如果你有D技能, 你做倒, 人地做唔倒（專業人士）, 剩係幫人排難解紛, 解決困難, 都收到笑啦ｏ 例如你唱歌, 好到天上有, 地下冇, 賣唱片都收到笑啦ｏ例如你跳舞, 又係叻到加零一ｏ 教舞, 陪跳都收到笑啦！總之有一技旁身, 已經衣食無憂了, 更何况擁有絕學和絕技呢？

所以擁有任何一樣天下無敵之人, 就是最快樂之人矣ｏ 因為根本唔憂衣食, 又唔憂冇得玩, 更加唔駛憂冇人同佢玩ｏ

反觀一D平庸之輩,  又驚冇得撈 （冇咗收入, 冇錢開飯, 冇錢交租, 冇錢…….唔驚有鬼矣ｏ） 又驚冇得玩 （乜都唔識玩, 點玩？ 就算玩, 都玩得差過人, 人地點同你玩？）又驚冇人同佢玩 ｏ（你玩得差, 人人怕咗你, 边個肯同你玩呢？於是想玩都冇得玩矣 ｏ） 冇得玩, 你話慘唔慘？

所以做人一定要擁有一D絕學, 能人所不能ｏ 才可以到處受歡迎ｏ 常常得到快樂ｏ

黄SIR就係唱歌叻小小, 跳舞醒小小之馬, 己經可以日日快活過神仙啦？

边個講嘅？之唔係老子囉！

絕學無憂吖馬！