咁樣做生意都得
2010/04/30 23:29:18
網誌分類:
生活
某日黄sir在家閒坐, 收倒一個靚女電話(凡女必靚!凡屍必艷的道理o)
靚女話, 我係セセ地產, 黄腥, 請問你セセ街セセ號セセ樓個單位幾錢賣呢?
吓?セ得查得咁死清楚?既知小弟姓セ(可能連名乜都知!)又知セ街セ號セ樓係小弟名下物業!犀利過私家偵探也!
黄sir登時肅然起敬!不敢怠慢!非常有禮!十二分恭敬!小姐!暫時未有出售意圖或企圖, ……因本人賣咗此唯一居所, …..就要瞓街也!……你知近日D天氣啦!忽冷忽熱!忽晴忽雨!乍噯還寒…………
似乎地產小姐依然有興趣傾落去…….
黄SIR就打蛇隨棍上, 既然本人三五七年都唔準備賣, 唔知貴公司可唔可以取消小弟的檔案呢?等閣下唔駛咁操勞呢?……
地產小姐立即亢奮起來!提高八度声線話!咁就唔得噃!如果一定要……你寫封信俾我地申請!等公司上頭批啦!
吓?……..咁用中文定英文呀!…..(中英都得!)
咁……..需唔需要親筆簽名呀?…..(最好啦!)
咁……..貴公司有冇 “方” 填呀?….(咁又冇噃!)
咁…….屋企人駛唔駛加簽呀?…….(……..收線!)
セ而家D公司咁樣做生意嫁? 一求親佢地, 就成個官僚架構咁!
以前試過有人打電話去有線電視, CUT一個過咗身嘅親人的戶口o
個服務員話, 要佢本人親身致電至得!( 公司規定!)
嘩!大姐(佬!)過咗身都要親身致電?
有冇搞錯?
千真萬確!搞到上一週刋!
有d姐姐仔和哥哥仔,真係唔帶腦返工的。