咁樣做生意都得 5

黃SIR有時一個人無無聊聊在家中坐或瞓覺, 經常收倒D不知名電話ｏ（連來電顯示也刻意删除ｏ）

有一次午睡得半醒, 收到一個頗有禮貌的後生仔的聲音, 自言代表一間國際知名酒店集團, 多謝黄SIR多年光顧, 黃SIR睡意正濃, 胡胡塗塗答, 好似冇乜幫襯過噃, 咁自助餐呢？ 咁又唔記得噃！ 咁有冇飲過茶呢？ 咁又更加唔記得渦！多數都係人地俾錢, 冇記憶！行過門口就一定有！

哦！得！只要你明天帶埋太太或女朋友（太太有一個, 女性朋友就大把, 冇難度也！不過唔知點解一定要如此？） 來一個酒會（强調有正嘢食！在時代廣場附近, 好易揾！）, 約四十五分鐘, 完咗就有一張 x生銀行 現金咭, 內有一千大元預設額, 可作現金簽帳用！又可先洗五百, 慢慢至歎埋果五百！又可轉贈他人作現金用！（嘩！爽到震！）

嘩！四十五分鐘揾一千元, 黃SIR係馬塲都未必揾倒, 洗一千元就一定得！浏飯應啦！立即睡意全消！好呀！好呀！點樣嚟呢？

你俾個地址或FAX no 我就俾D資料你！

咁牙？（你係老千我咪死？）俾EMAIL你…得唔得呀？得！

成交！

你地估最後黄SIR有冇去呢？吓？

嘻嘻！