利大本無歸
全球最大嘅建築設備製造商Caterpillar公佈季度業績,亞洲市場的機械産品銷售收入強勁攀升,較上年同期增長38%。消息提升了投資者對亞洲經濟增長及全球經濟復甦的信心。不過,就業市場、樓市、以及製造業數據都顯示美國經濟唔係咁掂。資金由股市流入黃金避險,金價升至每安士1260美元的歷史新高。
美股上週五走勢沉悶。杜指全日波幅只有59點。三大指數收市靠穩。杜指漲16點至10450點,標普500指數漲1點,收1118點,納指升3點,造2310點。總結全周,美股表現相當不俗。 杜指及標普500指數齊漲2.4%,納指升3%。杜指期貨最新報10485點,比現貨高水35點。
港股美國預托證券亦靠穩。ADR港比指數收報20330點,比香港收高43點或0.2%。匯控同中移動分別收報74.81元及77.64元,與香港差唔多。
美國經濟數據唔好,但股票照升。相信係除了歐洲信貸危機有緩解跡象,歐元兌美元轉強,回升至1.24水準外。推高大市估計與好多對沖基金公司交易員要交功課,爭取業續表現有關。標普500指數本季仍然下跌4.6%,全年計就打個和!所以近期唔做番啲嘢,同股東無得交代也。
上週六,中國人民銀行忽然宣佈將進一步增強人民幣匯率靈活性。人行話將根據國內外經濟金融形勢和中國國際收支狀況,進一步推進人民幣匯率形成機制改革。人行在其網站上發佈的公告中表示,當前全球經濟逐步復蘇,國內經濟回升向好的基礎進一步鞏固,經濟運行已趨於平穩,有必要進一步推進人民幣匯率形成機制改革,增強人民幣匯率彈性。並且強調,改革重在堅持以市場供求為基礎,參考一籃子貨幣進行調節。這一聲明暗示中央將重新允許人民幣逐步升值。
這項公告與近日中國高層官員斷然回絕國際社會要求中國放鬆對匯率的嚴格控制的做法,形成鮮明對比,有專家指這樣做顯然是為了在下周20國集團峰會召開前緩解外界對中國的壓力。
網友紅油炒手問了一個投資酒樓的問題,我估也可以作為大家考慮買股票時參考。紅油炒手問:「我有一個 『種金』、『鬥傻』式的問題想請教下Luk Sir意見,話說有一個飲食集團打算埋股開新酒樓,他們採用按投資額每月派息的方法分紅,即不論盈虧(即使酒樓還在裝修便開始派息) ----投入資金後第一個月開始,一直派到︰1. 酒樓所有的資金全部派完,宣佈執笠;或酒樓不斷盈利,一直以現金流支付派息,直到……阿門。」
紅油炒手話:「集團計劃,集資後首12個月,每月派息5%,息率1年後根據經營狀況另行調升 ----集團保證息率只會升,不會降。即若我投資10萬,每月可收$5,000,20個月回本(未計派息調升)。我當然知道風險不小,但考慮到下列情況,卻令我心大心細︰
1. 我有位親叔及幾位長輩,說這種集資方式並非新事物,以前的酒樓大多採用。
2. 他們以前也經常參與這種投資,當然有的早就停了(執了),有的卻收了20多年息,直到今時今日都仲收緊。
3. 他們說小投資人雖不能參與管理,但他們(酒樓)還是比較『均真』的。
4. 他們說投資能收多少派息有點『時也命也』,但只要間酒樓20個月內唔執,便翻本,20個月以後,都是淨賺。
現有問題如下︰
1. 大家認為5%月息,而要面對不少可見、不可估的風險,值博嗎?
2. 若不值搏,要多少%月息,才值博呢?
3. 若值搏,您又認為我應動用多少比例的資金才不致太冒險呢?(投資只能一次過,不能等開張後,看過業績是否對辦才增加投資)所以我既不想太冒險,也不想白白錯過機會----機會可能只得一次(已越來越少這樣集資了)。」
紅油炒手這個問題,觸發我思考很多投資的問題,怎麼去判定一項看來「利息」很吸引的投資呢?
的而且確,過去好多「高息」投資,只是馬多夫式的騙局,即係話那個所謂生意或投資根本不存在,只是不斷以投資者新投入的資金,去支付所有投資者的利息,直到一天沒有足夠新投資者投入,或者主事人圈錢走人,整個泡沫就會爆破。所以紅油炒手第一件事是要確認,這個投資計劃的「投資」,是不是真的,這個酒樓集團,過去搞過什麼酒樓,有無得去參觀吓呢?
好了,假設這個酒樓投資計劃是真的,真是有一間酒樓將在這個計劃下營運,那麼不論賺蝕月付5厘息的計劃,又是怎麼一回事呢? 月息5厘,等如年息60厘,香港法例限制「大耳窿」(高利貸)放貸,規限也是不能收取高於年息60厘的利息,所以一個投資計劃可以有月息5%,真係毗美「大耳窿」的超高息計劃,當然要小心「利大本無歸」啦。
睇嚟呢個計劃係咁樣運作,有啲人專門做酒樓搞手,揾老闆出錢,由佢去搞,佢表面上只係收一份高人工,但係聽聞搞一間酒樓要2000萬(全新搞唔係頂手),個搞手隨時落唔少落袋,方法亦好簡單,酒樓最大投資係裝修,再加買一大批生財工具,咁就有好多空間走啦,佢會搵佢相熟的裝修師傅來裝修,去相熟的舖頭買地氈,總之係佢熟你唔熟嗰隻,結果花咗2000萬搞掂哂開張做生意,可能都有100、200萬落咗佢個袋啦。換一個角度,你去投資,但所有裝修採購要幫趁你指定相熟的公司去做,可能就無乜酒樓搞手願意幫你搞啦。呢個世界好多人有錢,想做生意,自己又唔識做,所以就叫人搞。一般人鐘意出錢做飲食,可以帶親戚朋友去自己間酒樓食飯,又好似好有面子咁,結果就好多人鐘意做酒樓小老闆,酒樓搞手呢個行業才應運而生,老闆威威食雞,搞手就袋袋平安。
講番紅油炒手個「畸士」,其實都唔難運作,假如我係那個搞手,要2000萬運作,我集夠3000萬,一個月俾5厘息,即係利息支出150萬, 撥開900萬,夠俾半年息。用1000幾、2000萬搞掂裝修和生財工具,搞手從中取利袋走100、200萬,即係唔計佢每月支的人工,唔理你呢盤生意生死,佢袋硬你呢筆錢走。跟住真係做生意,睇吓做唔做得起啦,做得起上上大吉,利息照派,不過 要賺到一年派1800萬息,唔係咁易。做得普普通通,唔賺唔蝕,搞手會番轉頭同你啲股東講,生意有得做,但無想像中咁好,不如大家收順啲,收住月息1厘先啦,大家見佢有息收,都好啦,唯有同意,不過你唔同意都無辦法,洗濕咗個頭,又無得回水退股,你同唔同意都係咁。好命將來始終有錢賺,收少啲都有息收; 唔好命根本做唔住,等唔到收1年半息番本,間酒樓一年半載已經執咗。
我唔敢話紅油炒手諗緊呢個計劃一定唔得,但真係要睇操盤者有乜往績,如無往績,佢只係攞咗你筆錢去賭「白頭片」,生意做唔做得成,佢都執你一筆先。由呢個事例可見,每逢咁高回報的東西,你假設定佢有古怪都得,要預咗有古惑至好去玩,投資呢啲東西無得止蝕,要預咗投落去筆錢輸哂,最極端甚至第一個月息都收唔到,都唔肉痛,先至好玩呢啲高風險的遊戲。有時莊家炒股仔設個局,原理都差唔多,佢唔係派息,係直接派錢,炒到隻股日日係咁升,人人買都有錢執,散戶睇得幾睇眼都紅埋,好易跟上車,莊家在初段都要派啲錢出街,但上夠客就唔再派啦,你想走都唔係咁易架。
(我不在香港,暫停答問一天,明天再續)
陸羽仁
陸 sir, 大家好
很久沒有見面了, 我是小仙女, 差不多半年沒上來了, 大家還好吧? 我現在做收購舊樓, 不是給人時時駡那間田x, 是另一間公司, 講下我做收購, 都幾辛苦的, 有返工, 沒收工, 沒假期, 因為人家晚上或假期才有空和你講價, 要收到一個地盤, 最小都要半年, 有些合約是 4+2 即半年時間就會過期, 如果做到, 收佣金都幾好, 但好多做到一半就停了. 中途有好多原因收不到, 如的業主不肯賣, 或收回來價錢太高, 發展商不肯要, 就半途而廢了. 我都好好彩, 收到一個細地盤. 都有二三十萬佣金, 祝大家都生活偷快,
陸羽仁覆網友
迪迪仔:你問買股好還是買股好,你話想作長線投資,若真係長線,要睇價值,香港好多樓,特別係新樓,開價太貴,偏離基本價值,雖然唔排除放水市持續樓市回吐完會再升,但論長揸,買紅色股好過買香港樓。若真係要買樓,短炒好過長揸。
元華:早前19000點入貨,想落車,等農行開始招股時股市可能再熱少少,見到阿婆去銀行排隊攞農行招股書時,早前入貨的短炒股就係時候可以獲利啦。
亨記:兩人合不來,有對方的問題,也有自己的問題,若今次搞唔掂,都唔好覺得自己啱哂,再識一個後,若你又唔結緍,又無間樓(或者上百萬資產)傍身,下一個都會對你無信心。例如你經常蝕5萬,女仔唔易對你有信,你唔好怪佢花哂啲錢去買嘢,因為佢唔賣嘢都改變唔到你炒股會蝕喎。
Kathleen:呢個世界好多人設局裝人,你睇北京連成部恒生櫃員機都假得,真係乜都可以假,當然股市中「假狗」就更多啦。
紅油炒手:唔好話夾份投資酒樓係小眾玩意,道理瓣瓣差唔多,騙局、賭局,股市莊家局,期指大戶局,形式唔同,但原理都類似,你睇唔明人地大朋友搵錢的方式,你就唔好入場陪跑啦。
大笨袋鼠:散戶輸錢的道理真係可以簡單到咁:好似我和同你呢啲人落場同老虎活士打高爾夫球,結果係點?
Smart brother:歐元升有利美股的原因是歐洲債務危機是美股早前大跌的原因之一,所以歐元升代表歐洲危機舒緩,有利美股。
摩根大通下調恒地的盈利預測,但在新計算下,其新目標價仍較資產淨值有25%折讓,比長期平均數折讓18%高,折讓多代表股價抵買,所以就維持其「增持」評級。摩通調低恒地盈利預測,並不會使其目標價較資產折讓增加,而是令其折讓減少,不過減少完都仲有25%折讓而矣,舉個例本來估佢目標價較資產值折讓係30%,而家調底咗目標價,折讓變咗25%,但呢個折讓仍係摩通覺得值得買的折讓而矣。
Bluepanda: 想買新界樓,若係新樓就唔係幾好啦,二手樓就兩睇啦,便宜點的自住樓用租樓錢來供樓都唔係一定唔得,但貴價樓就真係買唔過啦。最後一句,好睇你自己,若唔買樓都唔會有錢剩,可以買來自住當儲錢,但如果本來用錢都比較克制,咁投資紅色股好過買香港樓,香港樓升的前題都係大陸經濟掂,大陸人落來香港買樓,那時紅色股一樣掂。
投資小朋友:你問點知大手成交係唔係大戶買,一般唔知,但如果隻嘢平時成交唔多,突然成交增加,又無特別新聞,咁大戶買的機會大過散戶買,因為散戶多數跟新聞入市,或者睇到股價升跟風追入。當然有些報價機睇到經紀牌,睇吓乜嘢經紀行做的交易都有幫助。
Any:中航科工若早前無止蝕,又唔太建議現時止蝕,佢好似定番啲,而家又唔係沽貨好時機。真係想沽的話,或許定一個現價低10%的位,再跌到時先至止蝕,唔到唔沽。
陸sir:你對新界樓市有咩看法?我一直租樓住,打算等機會買樓自住,但樓市跌又唔跌得多.謝謝!
陸SIR,
假設如果一隻股票現價係5蚊, 有大手成交係5.5, 咁點知道究竟呢個成交係大戶派貨定大戶買貨呢? 又或者有乜資料或方法可知道呢? 唔該!
陸Sir:
#2357中航科工原本長線,都要止蝕,但先前跌得太急,走唔撤,如果想減磅,
或候低再買過,在邊個位走好呢?
亨記, 幾年了,我期望她會改變...
陸sir,
近日樓市好像很熾熱, 樓價不斷推高; 股市經過昨天大升又好像回復生氣, 如果有筆錢作投資, 請問你覺得投入股市還是樓市比較好呢? 如果投入樓市, 應放租作長線投資, 還是作短炒好呢?
謝謝
廸廸仔
受人行推動人民幣匯率機制改革利好消息帶動,恒指在中資股帶領大市向上,最終恒指收報20912點,升625點,成交金額大增至902億元。
人仔改制,滬深股市都轉勢上揚,金融板塊再度出手護盤,股指隨之回升,強勢上揚,滬綜指以報收2,596點,上漲73點,兩市成交額共計1507億元。
內銀股開始偷步炒
股市借住內地重新採納彈性匯價制度,人民幣匯價升至五年高點,港股再受憧憬匯價升值,大市又有炒上藉口,指數大幅夾高。中環茶友話,農行即將上市,咁啱內地管理層就宣佈匯率可以有多啲彈性,咁樣既可以減低開G20時的壓力,又可以谷高個市,可謂一石二鳥。內銀股應聲彈高,大有偷步炒上之勢,建行(939) 、招行(3968) 漲5%;交行(3328) 走高6%,表現最出色。
中央重啟彈性匯率機制,有好多專家話,咁唔代表人仔會大幅升值,甚至有專家話兌歐羅可能會貶值,好似花旗私人銀行董事總經理包樂俊就比較保守,話中國人民銀行宣佈人民幣不會一次過升值。他預計人民幣兌美元將於今年年底升2%。不過,股民久無炒上的理由,聽到疑似好消息,立即係出亢奮性反應。
茶友話,恒指升埋今日,已經係九連升,早前個市係萬九點死守住,就算壞消息充斥都頂住,跟住陰吓陰吓連升多日,顯示有人暗暗發力托住。不過,指數升咗咁多日,加上單日升幅咁大,短線或者有獲利回吐唔出奇。
樓盤未賣地產股先炒上
各類股份中,除人民幣概念相關股份外,香港地產股係一類升幅好大的股份。發展商係三、四月份,本來有幾個大盤推出,但因為政府「九招十二式」推出叫停,自從何文田地王以高於市場價賣出,市場覺得大地產商仍然睇好後市,信心再度回升,𠵱家好多市區屋苑,都造出過萬元一呎的紀錄,令到地產股由低位反彈。
在政府干預聲中,樓市是否真係晴空萬里呢?一個可能性係樓市經過早輪溫和調整,跟住再大力炒上,結果觸發政府大力干預,情形如九七年前,樓價不斷升溫,政府逐步加強干預力度,最後使用大增供應的撒手鐧,成個樓市跟住散晒;比較好的情況係樓市分層化,豪宅及市區新盤變成一個市場,買家主要係有錢人同內地富豪;新界樓同二手市場價錢則平一截,買家係本地自用人士,總之一邊你有你炒,一邊我有我住,𠵱家地產商高價競投市區地,肯定係起豪宅賣貴樓,究竟個市係咪咁走,要兩三年先至揭盅,但地產股早前已經跌咗一兩成,超賣下率先反彈。股票同物業最大不同之處,係股票易買易賣,最宜炒住一轉先,所以樓市氣氛一轉,股價即刻夾上咗。
其他類型股份都紛紛造好,濠賭股全線向上,濠賭近排表現強勢,好多股份都係創緊新高,暫時亦未有公司伸手,似乎Party未完,有貨在手者毋須太急於收割,想沽貨都可以分段進行。
由於成交配合,如果大市停一停、唞一唞,資金就會炒落後,輪到三四線股仔郁吓。
陸羽仁
子龍兄
難道你的回收位向後撤了
昨天大市大成交大破50 100 250天線並遠離年線20790點,新的裂口範圍20300~20500成為了好友新的陣地
天涯兄: 早晨呀. 咁要睇回吐幅度同成交量呢 暫時未有投降的想法呢
亨記
你點會浪費版面,起碼願意與人交流,分享經驗。
總好過日日copy同一樣野既人,佢唔煩我都煩
小潘
期指高開
子龍兄
如果今天大市技術上回吐,你會不會撤退?
享記:
看了你的回應,此情此景,深有同感.只能自己解決:
1,戒牛熊,call.此類投機唔適合自己,就應遠離它;
2,女朋友唔適合自己,也應遠離它;無法互相適應的男女朋友,已經沒有意義.或緣份已盡,何必強求??
Morning 陸sir,
連升多日, 之前19xxx點入既貨而家息又收左, 股價重有賺, 但咩位落車好?
識上車唔太識得落車...
唉....牛熊原是一場夢 夢醒到老一場空. 想在股市盈利 只有學習價值而矣.
各位:
對不起!這裏應該是討論投資的地方,但卻因為我自己的問題而浪費版面....
我和另一半的問題,可大程度上是雙方對對方期望的落差。我希望她會了解、體諒和記得我的處境,她希望我早日事業有成、盡快結婚,有車有樓,一切都由我計劃,去努力,去完成,而同時又合她心意...
幾年了,因為我行業的特殊性,不能如她的朋友般,一畢業就結婚,又或者拍拖兩三年便結婚。是我不幸運嗎?她那面的例子都是很快結婚,但我自己親自見到的例子,拍拖十年先結婚有,拍拖七八年未結婚亦有...
幾年了,我期望她會改變...只是要求她每月儲五百元,一百元也好...但為何咁耐都無做,又話無可能,又說我儲得慢,事業無計劃....結果我又想靠牛熊證博一舖,結果...
對不起又浪費版面...說回和投資有關的事....期望的落差,對股票又好,對另一半又好,期望的落差,究竟是死守下去,溝淡?止蝕?還是....很值得大家思考..
袋鼠:早晨噢!
//大笨想番起十年前,仲係袋鼠仔時,單身上路扶北美去會女網友…//
好浪漫啊,令我想起 ……
//但在股市,未夠班嘅散戶都入得場同老虎大戶拼命。//
是啊,炒股不要求你有很多錢,大有大做,小有小玩。
但很多散戶不知道股市中充滿了陷阱,身陷險境而不自知。
好在有 陸sir 在此,我哋仲有得問吓路。
衷心多謝 陸sir!!
情海苦無邊,回頭早上岸。
善哉善哉!
如果今晚西班牙大炒洪隊,西班牙有咁樣的實力,和按照西班牙過往的傳統來睇,機會幾大。
咁西班牙有機會首名出線
若果係咁巴西對葡萄牙會幾好睇的
巴西已公開話唔想過早對西班牙
親愛的陸羽仁先生:
1. 你於21-6-2010說:「美國經濟數據唔好,但股票照升。相信係除了歐洲信貸危機有緩解跡象,歐元兌美元轉強,回升至1.24水準外,推高大市估計與好多對沖基金公司交易員要交功課,爭取業續表現有關。」請問為何歐元兌美元轉強會有利美國股票升?
2. 你於18-6-2010說:「摩根大通將恒地目標價由68元下調16%,至58元,較淨預測資產值折讓達25%,相比自2000年以來長期平均水準18%,維持「增持」評級。」請問,摩根大通把恒地目標價下調,應是不看好恒地的前景;但她把恒地目標價下調,以致其目標價與其預測的資產值的折讓增加,因此維持「增持」評級;這是否有矛盾?
多謝指教。
22-6-2010
亨記: 暫時離開市場一下, 處理好其他事情先返黎喇
港交所一日開門, 一日都仲有機會呀
散仔兄: 看到了~ 收看時特別留神, 騎騎
亨記: 小注經營, 小注經營, 緊記
亨記, 因為...很大機會我會失去另一半了 ß think calmly.. anyway to save the relationship?
What have been gone wrong? ( ask your friend to have further advice ... or ask your girlfriend's friend what can be done? )
relationship is more important than $ ... ( something $ cannot buy ... )
Do you very best.... ( but even best salvage can only do magic 1~2 times.. if same problem keep happening .. something have to be done / solved ... )
亨記,
已成事實更加要冷靜下來!
心情不佳是不容易作好决定。
休息一下, 靜一靜, 然後想一想如何作更好部處!
智利對瑞士,係咪以卡數(紅、黃牌)決勝負?!
亨記:
趁呢個時候, 學多d 心法喇
伯仁 噢 伯仁!
亨記, 重蹈覆轍,一日勁蝕5萬多銀
貧窮終結者,
不是冷靜不冷靜的問題,而是已成事實...
嚴格執行
精神在於 果斷 噢!
即使沽完 再升 好似這一次交易錯誤了
但以總個交易過程 就是對 呢噢!
因為你已有效 控制風險 掌握 買賣的主動權
可輸錢 不輸先 呢噢!
亨記,
不要悲觀主意, 冷靜下來!
美國落後2球也能追回, 還有機會出線。
大師,
四句話已烙入腦中噢!
fly 仔兄,
在嗎? 環球金融快線,今晚開始由 Ruby 主持呀!噢!
求仁:
達摩贈你四句話 噢!
買上沽落
遇阻減持
逢低即拋
止損止賺
能否嚴格執行 就要看施主的造化 了噢!
大師,
謝謝點化,噢!
求仁:
有睇波 噢!
達摩維持中間偏淡的睇法 噢!
達摩 會愈沽愈高 呢噢!
等巿場話你知 佢想點 呢噢!
你跟隨佢 就可以了噢!
大師唔似嚟講波經,而係嚟解情結 噢
大師,
晚安! 可有觀看世界盃?
你點看近日大市走勢? 大戶是否彈高就散噢!
猜不透 情無盡 尋尋覓覓...
猜情尋
問世間,情是何物,直教生死相許。
天南地北雙飛客,老翅幾回寒暑。
歡樂趣,離別苦,就中更有癡兒女。
君應有語,渺萬里層雲,千山暮雪,隻影為誰去。
求知散仔,我估北韓輸一球都一定出唔到線,焗住要加強進攻,拉鬆咗後防,加埋個龍門真係唔上身﹣俾紐西蘭個上身龍門會輸少三至四球。但萄葡牙佢本身又真係打得好,比之前好多場幾支歐洲隊好好多。
另一個要讚係呢場波好「乾凈」,兩隊硬朗得嚟都係打波,兩件黃牌完全係因為同球証理論。
不過你個陰謀論,依據北韓往績,又真係幾合邏輯。
原來香港都有戲院直播‥ 印度20/20木球聯賽(ipl20.com),唔知係咪都係因為當地只有收費電視直播,見佢都有好多戲院直播(講緊咖哩國,唔係袋鼠國)。
如果我餓咗兩個禮拜波,抑係唔睇(袋鼠98年在香港時當無事發生過,晚晚早瞓),否則300蚊一張飛有埋3D﹣假設巴西及西班牙唔好因為差不多穩得出線而放軟手腳﹣我都會貪新鮮想去睇。
蝕錢不重要了....
因為...很大機會我會失去另一半了......
不幸的事....很喜歡連續發生嗎??
亨記,
你上星期尾唔係入左牛咩?
袋鼠兄,
//似乎好多之前扑暈咗嘅人,今日醒返晒//
小弟咪其中一個lor^^"
之前分左三注,已入兩注, 第三注買唔到,而家諗緊應唔應該追價,心大心細。
天涯兄,先謝謝分享分析
另外希望你早日捲土重來
大笨兄,
但係北韓唔值得輸咁多。上半場場波水準一流。 < --- 我都估上半場北韓先入波,有幾次射門好到肉,今場北韓判若兩隊,打唔出對巴西果種水準,莫非上一場北韓引人對佢哋有期望,引人落注買佢哋 win,跟住 今鋪就殺曬
巴西對萄葡牙要睇… < --- 首次名之争出線,可能兩隊打和算數,可觀性下降不少,反而呢場去海運戲院睇 3D 版直播有 D 睇頭,但要成三百元一張飛,重要全場爆滿至嚇人
myself兄,似乎好多之前扑暈咗嘅人,今日醒返晒
亨記,雖然輸五皮好大鑊,唔易冷靜,但只係自怨自艾都無補於事,其實現在你嘅反應,和你之前買牛熊衝動,都是同一種心理,反映先要學習控制情緒?在成功控制這一點前,先控制注碼… 聽你講係止蝕,應該未清袋,唔好再有動作住,抖一抖先至再看投機… 又或者索性唔好再玩投機,走去好似好多師兄姊,「笨笨地」月供。
嘩! 原來今日爆升!直係等左好耐既爆升! (其實只係等左around 1個月 )
有靚股係手, 一定要hold到實!