發功
人民銀行重新啟動人民幣匯改基制，使人民幣升值預期驟然升溫，全球股市、尤其亞洲股市急彈，日本、韓國升1.6%、日經漲2.4%，中港兩地股市更彈跳逾3%，歐洲主要股市亦升1%左右。
美股開市受樂觀氣氛影響，開市未夠半小時已抽上144點，但隨著消息逐漸消化，惠譽國際級(Fitch Ratings) 又下調法國巴黎銀行(BNP)評級，稱這家法國銀行的商業運作存在結構性問題，提醒投資者歐洲經濟問題仍懸而未決，歐元兌美元下挫，再度失守1.24美元，美股見頂回軟，最後更以微跌收場，扭轉了連續多日的升勢。杜指收市跌8點至10442點，標普500指數收跌4點，報1113點；納指收跌21點，至2289點。杜指期貨最新報10396點，比現貨低水46點。
港股美國預托證券偏軟，ADR港比指數收報20723點，比香港收市低189點或0.9%。匯控收報75.2元，比香港收市低1.6%，中移動報78.65元，比香港收市低0.3%。
人行宣佈增強人民幣匯率彈性後的首個交易日，美元兌人民幣即期交易價迅速下挫至6.7976元，一舉創出2005年7月21日匯改以來的收市新低。美元兌人民幣詢價系統一度達到6.7958的最低值，下跌0.47%。這一數字，意味著人民幣已經罕見地接近每日0.5%的「漲停板」限制水平。
Balentine機構首席投資官Adrian Cronje表示，「現在就說中國鬆動匯率政策會改變市場基本面因素還為時尚早，有很多人懷疑中國會不會徹底執行這個政策。」他指出，「中國所作聲明揭示另一個事實，是從現在開始美國的進口商品，尤其是美國零售商銷售給美國消費者的商品，因為人民幣升值令進貨價上升，成本上漲。除此之外，中國還面臨著提高工資的壓力，這也將使美國進口商品價格進一步提高。」Action Economics機構分析師亦認為，中國鬆動人民幣匯率形成機制的消息大體上只是個心理性的利好因素，而非實際性的因素。
美股交易員話，中國人行對人民幣的改革並非大變，人民幣並非自由兌換，而且有每日變動0.5%就停板的機制，只是小變，而非大變，市場已假定今年人民幣會升值2%，這種小變未必會超越市場假設人民幣的升值率。
我就話阿爺玩呢種人仔變動的手法幾高，雖然美國佬唔覺得益到自己太多，但已成功扭轉歐美資金迴避中港市場的氣氛。過去6個月大陸股市跌跌不休，雖然人人都話中國經濟前景唔差，但係股市偏偏唔升，特別係出埋股指期貨後有得炒跌，大陸股市更加上升乏力，更加令老外基金卻步，炒作資金亦慢慢撤離大陸，農行在這種環境下上市，計劃在大陸和香港集資2000億，雖然呢個係投行的大生意，佢地都好落力唱好中港股市，但唱極都唔升之後，呢枝笛開始無人聽，香港個市都有啲頂唔上之感。
阿爺在呢個時候發功，打出一招擴濶人仔波幅，暗示人仔會升值，雖然消息話人仔只會少幅升值，但都搞出一個憧憬，昨日港股有900億成交，都意味著唔少走咗的資金湧番入來買吓嘢。若然呢個推斷係真，呢一個星期係農行招股高峰期，阿爺出咗招，投行配合一下，都唔難搞到個市熱鬧番少少，但到7月中農行上市後，又會還完基本步，不過股市朝生暮死，有一兩個星期炒吓都好過無得炒啦。
陸羽仁
陸羽仁覆網友
袋鼠、kathleen:你地就精啦，話要我地焗要同活士打波的話，一個做caddy，一個做搖旗，叫我去打，你地真係夠朋友囉。不過落到股場，就個個人被逼要同股場活士打波，你地想避都避唔到喎。
另外kathleen ，我都好鐘意睇Meg Ryan做戲，City of Angels & French Kiss，特別係French Kiss，非常浪漫啊。
亨記:在張永霖的年代，入到港大，出來考到入英資大行做executive trainee，人生已經成功咗一半，即使今天，如果你考到入全球十大大學的熱門學系，出來考到入名牌公司，你的人生亦成功咗一半，問題是呢條路大部份人跟唔到。你要搵一啲路，係普通老散都可以拼到上位的路。雖然我都同意，態度決定命運。
重生:你話女生比股票複雜幾十倍，我就覺得男女關係跟買股有可比之處，好多人都係短炒變長揸，好多時識個女仔/男仔本來無諗住咁長遠，但慢慢唔行動(去飛人)就變咗長遠關係，變咗長遠關係又變咗唔係咁正，因為從第一天起都無諗過揀啱性格先至拍拖。我們好多時係先沽走有利潤的好股，保留一些醫番都浪費藥費的爛股。
Fly仔:你的情況令人無限同情，講營運人生你已好有計劃，可惜感情的事不受控制，或許是有緣無份吧。
fly兄: 活在當下 長遠計劃是好事 但過程中如何維繫感情亦很重要 為了未來 同樣要把握現在呢 子龍又多言了
鼠鼠: 反而我無乜所謂, 應該唔關這個問題事.
小ki: 這個是我的死穴
尋大:你出現喇
....點睇後市呢有冇貼士先??? 
袋鼠：如果你同 陸sir「焗住」要同老虎活士打哥爾夫球，你做 caddy 的話，我最多去現場搖旗吶喊，同埋遞水畀你哋飲噢。
Tom Hanks 做戲真係無得頂，我好中意睇佢架。
Meg Ryan都好掂，好似 City of Angels & French Kiss 都好好睇。
佢哋一齊拍嘅戲好似得兩齣，是嗎？
享記:大家步履不同難有結果...你介紹她睇{成功路}先得呢...兩人相處絕不能單方進步=彼方等同退步啊
我想你同她說次分手她就會巧乖了(你講到自已咁好)人好多時身在福中不知福啊...可能不是她不好只是她令你發現自已的缺點吧(觸及你的尊嚴吧)
跌市靠老美 錯不了
小潘,
你說得對. 好似我依家變左概念股咁，雖然不是存心騙股東(女友/家人)，但好像幾年了，都沒有盈利(不達到終極自標，但至少要有少少成績，好像還未有)。有d似誠哥做歐洲3g，做哂成個歐洲係好勁，但始終咁多年都無盈利...
我尋夜看完張永霖整本的《成功路》。他說︰「態度決定命運」、「態度可以改變性格」。大家講既野我都收到，陸sir說的我都收到。她有錯(或者可能都無錯)，不見得我啱哂。這次我要負大部分的責任，婆媽、無實際計劃、三分鐘熱度、不能接受批評、不懂social、不懂理財、眼高手低、不成熟、做野有時無厘頭唔知自己做咩、不懂輕重等等...講得好我是概念股，講得衰d我係賊股....
我是否再沒有理由要女友無了期咁等？等多兩年結果我真的失敗了，我女友怎算好？？是否現在就放生女友讓她另找事業已成好男人？？我自己就水裏水裏去，火裏火裏去，搏哂老命去為事業打拼？她也說得對，她看不到我事業心重...和她一起，我在事業方面會分心...是否又另一不成熟的表現？？
嘩....女生比股票復雜幾十倍噢...師兄們對股票分析沒有這樣多呢...
享記股(講笑..請諒)人氣多...肯定能熱抄....值得給納
亨記,
I guess your girlfriend may be well protected by her family, so now she expects you to protect her in future.
If you think your girlfriend is worth to keep, but cannot bear some issues; get someone who is good on 'negotiation' / mental issue, to be a middle man, and you too have a deeper discussion of serious problems. Lady is not reasonable.. quite emotional.. but it is good for her and you, to know your bottom line.. before relationship get further develop. ( unless you think you can transform her to be a better one, to fit you in near future, but that's not easy. )
幸福魔方 http://tv.openv.com/col_9908.html is a show, having many touching stories. You can take a look, which may give you some hints.
Also, please focus on your career. If you like to be self employed, then find a way to get more steady income; and get a good public relationship in your field. Once you have more $, you would find yourself, can have more choice of girlfriends. But normally, get marriage before age 35.. if you want to have children.
早晨.
恒指昨日低開,再試頭肩頂頸線跌穿後上升阻力,最高見20957掉頭下跌低收,圖形不妙,相信開始運行調整浪4,支持位為20523和20300點,調整後將挑戰長期上升阻力線約22000點,而最大上升目標約為25500點,亦為今年高位.
將軍：金錢對某些人可買到短暫幸福，要返工，遲些再談
情海苦無邊，回頭早上岸。
善哉善哉！
亨記
...尋橋又多口搭吓咀先噢！ 
不如，又換個角度諗吓呢噢！
她，好像對你有不滿，有怨言！但從未想過！Game over nor Game Pause !
你，好像很愛她！但，卻認為她愛得不夠！你想Pause一吓 !
有人講過!男人來自火星，女人來自水星！思考方式完全唔同！搞唔好就真係火星撞地球
男人喜從 Fix the problem思考！解決不來，有些會選擇放棄 !
女人卻以舒發心情為先！她們怨言，哆嗦！可能不是須要馬上把解決問題！
而是須要你的聆聽，或一句 深情的 I Love U！
如果她不愛你！你就算再好條件！她也不會跟你哆嗦！一早頭不回！byebye了
証明她是願意等你的，給自己一點信心吧！
當年尋橋重喺街邊賣魚旦，餐揾餐食，我老婆千金小姐都肯嫁禾！女人，當喜歡
一個人嘅時間，未必太計較你的條件的。
但喜歡還喜歡，挾唔挾就係另一回事！婚姻講嘅係幾十年嘅相處，唔挾！盞搞！
她愛你，但似乎更愛自己，或者是不懂得怎去愛人吧！3歲定80！不好奢望性格
能改變！愛一個人便同時得愛她的缺點！如果你真係接受不了！那就要早下決定了
尋橋
亨記,
未來5年、10年是你未來人生的第一個5年、10年, 好好營運它吧! 不要過後還是和現在一樣。
不要被其他因素而影響到投資/投機操作, 很危險的! 反過來也是。
如投資/投機有紀律困難, 考慮月供。 有計劃地積累資產, 比投機炒作令人有安全感。
努力!
亨記，sorry，大笨都係忍唔住口… 小手術件事，唔知大笨直覺靈唔靈，但總之直覺係覺得你嘅想法有啲婆媽……
小飛：會唔會你太過博殺，忽略女友？
好多人話香港的女生將錢排係第一位，但可能未必係
天若有情天亦老
月如無恨月常圓
飛哥… 唉唉唉…
PS （八掛一問，不便勿答，見諒）佢都唔想有小朋友嗎？
Kathleen，早晨呀！袋鼠呢排慣咗夜瞓，瞓唔著
我十多年前去嘅留言版（其實那時開始時只係集體”醫貓“，後尾至搵到個Mailing List server），係一個加拿大電視劇，網友成班人都係浪漫主義者（男網友都唔少，但當然不及女生多）。所以當中好多網友都好鐘意「緣份的天空」Sleepless in Seattle（1993）… 不過袋鼠更加鐘意同期嘅 While you were sleeping（1995 ﹣ 網友亦有好多鐘意），後者比較鬧劇，但係睇睇吓就不知不覺會鐘意上女主角Lucy ﹣ 影評人Roger Ebert 都係咁講。
兩齣戲之中，Bill Pullman分別做配角及主角（另外，佢在「天煞﹣地球反擊戰」Independence Day 之中扮演總統一角）。雖然兩個故事及角色無關連，但當時在討論區，那個女網友話睇到佢在「緣份的天空」失戀無咗女朋友，所以好開心見到佢在 While you were sleeping 可以搵到意中人。
頭先頭條網係咪冧咗兩個鐘？
PS Tom Hanks 拍住 Meg Ryan 嘅戲都好掂
我又發下up瘋. 06年以前小弟都係十下十下, 無乜時業心(其實現在都無乜), 因知自己咩料子, 先天及後天能力係咁上下. 雖然如此, 但千萬不好自暴自棄, 這條路唔得就找另一條, 我選擇了投資+投機; 股市及樓市, 但沒有本金是不行的, 決定找份穩定工作, 唔洗太多, 萬靚蚊就ok, 有人可能覺得已經好多, 但是用十幾皮買個學位, 比起其他同學, 人地己月入幾皮+有房坐了, 自悲都來不及. 當時女友都係志同道合的人, 心想到大家到40幾歲時, 無人請失業點算(那時是沙士), 點都要找個鐵飯碗, 就決定是但一人一定要做正苦工, 一個失業, 另一個有皮幾都不會餓死喇~用了幾年時間, 女友成功入到了, 雖然人工比起那時在私人公司的薪金還少, 只係得皮幾, 但都非常開心, 因多年心願達成了. 07年時兩人共儲了幾十萬, 用9成半買了一層二百多萬的樓, 還有幾十萬買股票. 07年時贏十幾廿萬, 08年時倒輸十萬, 但幸好不是好入肉(要多謝陸sir), 因我地都好節儉, 女友平均一個月用4千, 我就用3千左右, 手機用到爛先換, 好多年沒去旅行(唔計澳門/深圳/廣州), 出街食cheap野, 都儲到o的錢. 對於投資, 女友只知投資是好, 但沒深入研究, 所以平時好少過問, 全權由我負責. 對我如此相任, 我當然沒有偷懶, 亦定好計劃, 不會孤負對我的期望, 現時股樓都升了, 就決定樓市升多10%及恒指到3萬點時就不問價, 不問市分批沽貨. 首先沽結婚錢, 然後是一部份流動資金, 買樓首期等~~ 如果一切順利, 應該唔止一層樓(當然樓市要回下), 收下租, 計畫結婚住在大角咀, 因那區有東涌線, 西鐵線, 機鐵, 5min小巴出旺角, 交通4通八達, 方便女友到不同邊防地點工作, 我地無打算生小朋友, 心想下半世兩人應可過得安穩了, 沒想到恒指3萬時不是有情人終成眷屬, 而係大家分家之時. 我究竟做錯乜野? 有時女人是善變的動物, 比股場大鱷更難捉摸
行山時見一對年約五, 六十的夫婦, 看著他們在七十年代年輕時在山上的合照, 現在依然咁恩愛, 真係令我好羨慕啊~~
享屍兄, 相信只是一時心急行差踏錯, 投資失誤, 只要糾正心態, 不失唯好男生. 沒儲夠錢或事業未見成績, 有時好講運氣同際遇, 只要方向正確, 成功係時間的問題, 唔好睇少一分一毫, 唔好輕看月供增長慢. 潘總講得arm, 我自己都經歷過, 第一個十萬好難好難儲到, 慢慢來, 唔好灰心同失去自信, 你得的~~
http://www.youtube.com/watch?v=k6M9zfzvaDA&feature=related
看完週線圖, 下降軌約2萬2, 升穿量度升幅263xx, 黃金螺旋極強勢6.854見26346, 兩者吻合. 升唔穿下降軌, 那麼要創新低, 一浪低過一浪, 中長線睇法~ 短的暫看第二站21429
呢兩日公司很忙, 晚上追blog~上司的錯, 又係女人~~shxt
亨記
其實，外人真係唔知你兩人之間既野....不過我係網上識左你好耐
還記得識你時仲係財困，但你承諾會搞返好，但轉下頭又見你話重蹈覆轍炒股輸錢。
當初你話要將自己當一間公司咁經營，但結果3分鍾熱度
如果你真係當自己係經營公司，就要為你股東(即女友/家人)著想，想下點提高營利，如果係一間公司老闆絕對唔會做做下停晒手腳，你唔食，你班工人都要食。
所以，你真係有心做好間公司(自己)，就要決心捱過去啦
小潘
Henry:總結一句,感情事不是問人,是問心,問問自己心想怎樣 !!
亨記師兄,
恕我多言,
我相信你今日聽左咁多意見,最好靜落嚟好好諗下,然後再兩個人坐低坦承咁傾傾
這個世界沒有什麼是解決不了的,溝通後不論結果如何,起碼無憾!
勉之!
扮豬兄: 為何金錢會買到幸福呢??? 子龍有另一番意會 因為對某些人來說 金錢可以買到他們的慾望 名車 大屋 異性. 金錢可以換到他們需要的物質. 慾望滿足了 咪覺得幸福囉. 問題其實是什麼呢??? 在人的慾望而矣. 你的慾望愈大 對金錢的需求咪愈大囉 你的慾望愈小 對金錢咪沒有看得這麼重囉. 正所謂貧亦樂 富亦哀 就是這個意思呢
仁豬 ,last bullet :
達摩愛情信箱 真係要請你地做顧問先得 呢噢!
last bullet 兄:
唔係我擦鞋, 我覺得你講既野好岩
"又或者你主動話Game Pause，響女人角度，你按左Game Pause即係Game Over……"
將軍: 咁你要識煉金先得
從來金錢都係換返黎, 就好似能量咁,
it can niether be ｃ ｒｅａｔｅd nor destoryed
即使老美都係, 印銀紙係用其他人既怨氣換返黎
用金錢黎買幸福, 但金錢從何而來
可能係從犧牲幸福而來
所以到頭來, 金錢係買到幸福, 但係換過碩幸福又流失左lu
亨記師兄,
原諒小弟都多口講句，其實女人好少話有乜「暫時唔見」、「冷靜下」之類既CONCEPT。一般黎講，講得出呢D話，個女仔都會當係Game Over咁去處理架喇，女人最怕就係佢話Game Pause時你唔反對甚至贊成，又或者你主動話Game Pause，響女人角度，你按左Game Pause即係Game Over…… (我唔知係唔係O岩，但我接觸過既女仔好多都係咁。亦有過好深刻教訓。)
我聽到你講話「不是我叫放手，我只說大家暫時唔見」呢段野，感覺得到個女仔可能會將你既行為解說成Game Over，連你都選擇放棄，之後佢都乾脆DEL左你面書做Ending。其實，如果你真係珍惜佢既，連「暫時唔見」呢D說話都唔應該講出口架，女仔一定會解讀成Game Over架。有說女人口是心非係一D都冇錯，女女話分開其實最想你拉番佢番黎，女女叫你唔好理佢其實最想你關心佢。
扮豬兄既說話真係好中，兩性相處真係要好多包容，人邊有完美架，最重要唔係佢係唔係Perfect Match，而係你能唔能夠放大佢最好果D方面去愛惜佢咋。當大家相處耐左，越容易去挑剔人地既唔好，忽略對方既好。只怕人本身就係一種犯賤動物，身在福中不知福。
當然啦，如果真係發覺兩者不合，可能放手係更好選擇。不過我只係想你明白，呢個世界唔會有完人，今日呢個大使、鍾意比較、點樣點樣……，呢個如果真係冇左，下一個又會有其他問題，下一個可能唔大使、唔比較，不過頹廢、懶散、孤寒囉……又或者八婆、愛名牌囉……
呢個階段，亨兄你叫你女女冷靜下，諗下你有乜Concern……其實你女女反而咁會更唔冷靜，女人本身就係唔理性既動物，你叫佢理性，真係慳番都得。女人都係D纖細既動物，你同佢先講道理後講感情，一定食閉門羹。
最後講句，感情野其實都冇話對同錯，大家價值觀唔同真係好難去比，我地外人更加不便插口。就算結果係好係壞，希望亨記你都要努力做人，如果留得住感情當然好開心。即使真係冇左，舊既唔去，新既唔黎呀，努力做人儲多個錢，緣份再黎時就更大機會捉緊啦。
加油!!!
pplo: 聽人講 金錢可以買到幸福 呢樣又點解釋呢???
stockinvest
你承諾時, 要有把握要做到; 否則女友對你不會信任。如做不到, 也要有個解釋。[轉全職失敗，要再次努力]
你是否認同女友的理財方式?這點日後組織家庭需配合。如婚後, 財務是AA制, 可以考慮少一些。 [不認同，不認同她人工月月清，又完全不知道自己洗左幾多錢]
你女友好像不太緊張你。如她對你的喜好也不太清楚, 可能愛你不及愛她自己多。[其實她什麼缺點也可以容忍，這樣我不能....因為如果我今天死了，要她說我一生做過什麼，她也說不到....]
亨記, 幾點意見供參考:
如果我對另一半不能兌現承諾，是否應該早日放手? ß 你承諾時, 要有把握要做到; 否則女友對你不會信任。如做不到, 也要有個解釋。
穩定收入對家庭很重要! 能否告之甚麼行頭職業? 讓大家給些意見。嘗試做兼職, 增加穩定收入。
借錢旅行 ß 你是否認同女友的理財方式?這點日後組織家庭需配合。如婚後, 財務是AA制, 可以考慮少一些。
忘記小手術日期ß 你女友好像不太緊張你。如她對你的喜好也不太清楚, 可能愛你不及愛她自己多。
貓sir sir :不如搬嚟深圳啦噢 !
到時想點睇都得呢噢！重高清到連C朗無剃鼻毛都睇到噢 !
到時
，我屋企好近你屋企！問你借5舊都方便好多呢噢 ! 
門門
..... 
尋橋
亨記師兄：因為佢當你係自己人，無需要戴住假面具見人，俾最真實的一面你睇，其實好多人都是，而且她對你有要求 (可能過高)，其他人要求無咁高，至於鐘意比較，多數人也是這樣，如兩人能再一起，建議她滅少去旅行，將錢儲起，咪可以早日達到目標，係要有所取捨。想清楚，唔好咁快做決定，但也不好拖泥帶水，大家青春有限，多言了
qqcheng,
不是我叫放手，我只說大家暫時唔見，她想一想我有什麼concerns，我又想一想怎樣符合她的exceptation,結果在面書中將我刪去...我覺得很可惜
袋鼠,
她不是不好，只是她越熟的人，對佢就越發脾氣...另外，她很喜歡和人比較
扮豬,
你有道理!不應該用自己個尺judge人...她是用別人的尺judge我...
扮豬兄：好耐無見，你女皇好幸福喎，你俾咗好清析目標佢，一同參予真係會好d，起碼佢知道事情發展去到邊，距離目標仲有幾遠，唔知點解，好多男生或女生覺得拍拖要多姿多采，其實我覺得兩人一齊已好開心，節目係好次要，亦唔需要用金錢去維繫，qq 講得啱，兩人同心協力去划艇，一定比一人快。努力達到目標，建立幸福快樂小家庭
p.s. 你真係好細聲
Evening everybody: ^^
P.s
Brother 尋橋】 had already come back lar!.
Wa....
亨記: 我聽人講, 一段感情開始, 雙方都會搵一d 相似既地方出黎, 慢慢地, 佢地就會focus係大家唔同既地方, 簡單d 黎講, 一開始,大家眼中只有對方既好處, 而睇唔到壞處, 慢慢地, 好處會變得越黎越唔明顯, 而壞處就相對地明顯左, 係呢個時候, 我地就要諗下, 諗返當切睇到既好處, 究仲係唔係度? 係度就將注意集中返係好處, 咁壞處自變得冇咁明顯
至於佢唔記得你手術日子, 但係單憑呢一件事就斷定佢唔鍾意你? 你會唔會又忘記左佢做左幾多因為佢鍾意你先至會做既野? 有時我激嬲左女皇之後都會諗, 點解我平日做咁多野, 依家只係做錯左一件, 我就好似完全冇做過好野咁, 咁唔公平架, 自此之後, 我都提醒自己, 下次嬲人既時候, 要諗返, 佢都做過好多好野架wor, 點解我又會抹殺左佢呢? 諗下諗下就唔會嬲得落架喇
細細聲同你講, 講冇記性, 我女皇仲冇記性, 周不時都唔記得我講過既野, 好似呢頭叫佢返到屋企打俾我, 轉過頭就唔記得左(只不過係搭完LIFT 之後打俾我), 十次叫佢, 九次半都冇做到, 如果我要嬲, 一日嬲五六次都唔止, 初時都會興架, 但係慢慢就接受左, 因為呢個(冇記性)係佢一部份黎架ma, 我鍾意佢, 係鍾意佢全部, 好既壞既都要接受, 佢壞既, 你敢寫包單自己冇咩? 呢d 你忍我時我忍你架喇, 兩個人相處就係咁, 所以, 我好單單用一件事黎斷定對方係咪鍾意你, 緊張你, 因為人人用既方法唔同, 切忌將自己投射落對方度, 咁樣大家都會好辛苦
兩個人相處係一種學習, 學習同同自己唔同既人相處, 而唔係將對方變做同自己一樣既人, 又或者係自己心目中所想既人
你可能會話, 我都係為佢好, 想佢變得更好姐, 呢點要小心, 要諗真d , 究竟係想佢變好d, 定係想佢變成你心目中既人, 我地係用愛去令人改變, 唔係用愛做理由去改變人, 兩者好大差別架
至於借錢去旅行, 我覺得都離譜左d, 但係你又有冇諗過點解會咁呢? 會唔會係佢不嬲屋企都係咁做呢? 有時我地就係咁, 見到一樣野發生左, 就會即刻用自己把尺judge 人, 冇諗下究竟係咩原因導致問題發生? 你都唔想人地用自己把尺黎judge你架ma? 可能係佢不嬲都係咁做, 咁咪同佢傾下lor, 我女皇雖然冇借錢去旅行, 但佢一年都去唔少旅行(屋企比較well off d), 但係我地一切左一年多d, 都未去過旅行, 亦因為咁嗌過交, 但係我會同佢講, 我唔係唔想同你去旅行, 只不過我想儲多d 錢同你d早結婚姐, 跟住又同佢一齊諗, 究竟結婚要幾多錢, 一齊出黎住要幾多錢, 我地又可以儲幾多錢, 要儲幾多年, 去左旅行之後又要儲多幾耐咁, 等佢知道我唔去旅行, 1) 唔係我姑寒, 而係我有個目標, 而根據呢個目標, 真係冇乜錢可以用, 2) 等佢都知道, 其實都要唔少錢, 等佢唔會有個錯覺, 呢個係一個冇困難既目標, 3) 俾d 參與感佢, 等佢覺得自己係一份子, 都有責任去出力,
當然, 唔可以話完全唔去喇, 但係佢要知道要有犧牲LOR
總之, 加油喇
p.s. 我唔知你實際情況, 所以都係根據我既情況講下例子咁, 都係果句, 岩聽就聽, 唔岩聽就算喇
兩個人相處同投機差唔多, 參透之前都覺得好難, 參透到之後就會覺得好易架喇
亨記果 case 我覺得堅持下去你好像會好辛苦 ~~
借錢去旅行都真係幾過分 ..... 不如你講下佢有咩吸引你 (可能靚or 性格)
陸sir，如果你同我「焗住」要同老虎活士打哥爾夫球，大笨做你嘅caddy好了 (雖然大笨都唔慌會係勝任caddy)
好耐以前在大學時，同一個男同學講開溝女經，佢講咗一句「女人係比男人聰明」，當時唔明，而家老咗開始明白多啲……
其實要分析亨記感情狀況，有某程度上嘅限制，始終只係聽到亨記呢一方嘅苦戀故事，而亨嫂係一個點樣嘅女仔，或多或少都會有亨記佢自己嘅主觀投影，好難講佢兩個係咪好夾。
不過講出嚟都好啦，只係想指出可以幫到嘅係有限。 Goodluck
Henry:如果主動權仍在您手,不明白您為何會想到放棄??
"有一種愛叫做放手"-->對,偉大.但無奈又消極.不好用放手來證明您對她的愛意.既然咁愛,不如為所愛再盡點努力.一般說放手,有選擇權點會放手..咪傻 lar !!
說到感情一事,我看法是一份感情是雙方的,我會較重視能否共同努力?? 兩人划船總比一人快,祇是單方面付出,有點不公平.現在已不是男尊女卑時代.
想清楚大家是否仍可相處下去,不是一廂情願去考慮應不應放手??
以上愚見,僅作參考.
我的 case 跟您不同,我的問題是有 $都無法解決,不好用作參考.
//qqcheng,
聽網友的話看你的網誌，我雖不清楚你的情況，但我想問，如果我對另一半不能兌現承諾，是否應該早日放手，雖她尋找自己的幸福，還是我要繼續奮鬥，兌現無法及時兌現的承諾？//
歐豬豬??
佢要跳水嗎?
咁快有個"不肥豬"的名.......
咁門c兄係咪要加不瀟灑?
門c兄: 我的功力還未及你0.000001呢. 咪玩野啦!
豬生重如何呢?
炒股都係打個和,主要都係儲錢儲番黎,拉勻，又係差不多得個吉
Minimise daily expenditure, zeroise luxury expenditure for cash deposit
最緊要自己有一定家財，人生才有選擇
Earn money from a job is much much easier than earn money through investment/speculation on stocks & properties