營運人生（２２）
美股上日人升佢唔升，終於到昨日就插啦。美股杜指早段還升幾十點，後來美國5月二手房銷售數據意外下滑，加上墨西哥灣漏油事件令政府禁止油公司在當地開採石油半年的事件再起紛爭，而大型連鎖店Walgreen公佈的店舖銷售唔理想，種種不利因數打擊下，能源、工業與消費品板塊大幅下滑，三大指數下跌超過1%，標普500指數跌穿1100點，並且失守200天移動平均線。杜指下跌149點，收10294點；標普500指數跌18點，報1095點；納指跌27點至2262點。杜指期貨最新報10247點，比現貨低水47點。
港股美國預托證券偏軟。ADR港比指數收報20563點，比香港收市低256點或1.2%。匯控收報75.07元，比香港收市低0.8%，中移動報78.2元，比香港收市低1%。
美股主面的問題是經濟復甦的前景不明。美國市場對5月份的二手房屋銷售會本來有較高的預期，因為政府稅務優惠在4月30日截止，3月及4月份應該有好多人趕尾車簽約，喺5月份完成交易。但數據卻顯示5月份的銷售仲差過4月份，少咗2.2%，令好多人相信政府最新的刺激樓市手段，並未見效，擔心美國的經濟前景唔係咁好。
不過，有分析員卻有另一個睇法，認為今次5月樓市銷售欠佳，未必係壞事。他們的論點係，上半年政府的稅務優惠刺激需求，導致樓市向上，在優惠完結後的幾個月，樓市就會大插水。現時的銷情，雖然未有因稅務優惠刺激變得好好，但數據亦不是非常的差。政府最近的政策，可能並未推動好多人買樓，那麼往後的幾個月的樓市表現都唔會出現大插水情況。
再睇番房屋銷售數字，5月份首次置業人士銷售佔46%，低過上月的49%。屬投資性質、或者炒作的銷售亦由15%縮減至14%；用現金付款的亦減少1%至25%。首次置業大幅減少，但俾現水找數的好明顯係投資者，卻相對保持穩定，而美國樓市正正需要嘅係多啲人去投資，炒熱樓市。當然，樓市的「稅務優惠後遺症」有幾嚴峻，仍要看今日公佈嘅5月份新建房屋數字。因為報告係根據5月份的合約簽訂，而唔係成交，即係比二手房銷售數字超前一兩個月的數據。
美國經濟數據好壞參半，暫時未睇到一個清淅方向，未能排除雙底衰退的風險，在前景不明時，股市早排從低位反彈咁多，回吓唔出奇，但若無特別驚人壞消息，回到咁上下又會企住。港股亦類似，5月27日恒指低位18974點，昨日高位20957點，從低位反彈咗1983點，差唔多成2000點，昨日衝唔穿21000點，今日借勢要回吐整固。
網友亨記提到同女友分手，話「我只說大家暫時唔見，她想一想我有什麼concerns，我又想一想怎樣符合她的exceptation,結果在facebook中將我刪去...我覺得很可惜。」
感情問題我唔係太識俾意見，但可以講吓男女關係的物質基礎。我細細個時阿媽已經成日教我，「讀好啲書，搵扮好工，儲埋個錢，否則貧賤夫妻百事哀。」當時細個唔明「貧賤夫妻百事哀」係點解，大過咗見得多咗，就開始明白，如果兩公婆經常搵朝唔得晚，家無恒產，在自己朋輩中相對貧窮，嗰種感覺絕對會破壞男女關係。
網友小潘對亨記的批評是對的，小潘話:「我係網上識左你好耐，還記得識你時仲係財困，但你承諾會搞返好，但轉下頭又見你話重蹈覆轍炒股輸錢。當初你話要將自己當一間公司咁經營，但結果3分鍾熱度。如果你真係當自己係經營公司，就要為你股東(即女友/家人)著想，想下點提高盈利，如果係一間公司老闆絕對唔會做做下停晒手腳，你唔食，你班工人都要食。所以，你真係有心做好間公司(自己)，就要決心捱過去啦。」
亨記都好接受到小潘的批評，佢有此回應，「小潘你說得對，我依家好似變左概念股咁，雖然不是存心騙股東(女友/家人)，但好像幾年了，都沒有盈利(不達到終極自標，但至少要有少少成績，好像還未有)……..大家講既野我都收到，陸sir說的我都收到。她有錯(或者可能都無錯)，不見得我啱哂。這次我要負大部分的責任，婆媽、無實際計劃、三分鐘熱度、不能接受批評、不懂social、不懂理財、眼高手低、不成熟、做野有時無厘頭唔知自己做咩、不懂輕重等等...講得好我是概念股，講得衰d我係賊股....我是否再沒有理由要女友無了期咁等？等多兩年結果我真的失敗了，我女友怎算好？？是否現在就放生女友讓她另找事業已成好男人？？我自己就水裏水裏去，火裏火裏去，搏哂老命去為事業打拼？她也說得對，她看不到我事業心重...和她一起，我在事業方面會分心...是否又另一不成熟的表現？？」
其他我唔知，亨記話同女友分手唔開心，走去博一舖(我估係買熊)，結果遇上升市輸埋5萬銀。錢唔係講玩，唔開心就去賭一舖，呢啲就係典型唔成熟的表現，要戒。若果你唔輸呢5萬，可能20年後經過合理投資，可以變100萬。
老老實實，亨記你的現狀真係幾似一隻賊股，好多理想概念，未有一樣做得成。不如重新營運人生，徹底改變過去失敗的做法，正正經經搵份有固定收入的工作，業餘才買股，分開投機和投資，主要期望投資那一邊可以致富，儲番幾年錢，有番啲恒產(樓或長揸的股票都係恒產)，到有經濟基礎時，始終會找到好伴侶，唔好成日空想發夢啦。
陸羽仁
多謝陸sir！！
陸羽仁覆網友
Kathleen:你問「陸sir：您話『不過落到股場，就個個人被逼要同股場活士打波，你地想避都避唔到喎。』我諗咗成日，如果我只買指數股，例如2800、2828、2823等，咁我就唔使同股場活士對打啦，咁諗啱唔啱呢？」
用我慣常答的結構答你，分開投資的我和投機的我，投資的我不是一個零和遊戲，不是和活士對打，睇價值買股、甚至買一個地方的股市，好多時仲係跟大朋友一齊買股票長揸，所以處境會好啲，而識揀股買指數股是最簡單的方法，而家A股跌得咁慘，可以買２８２３。
但投機的我就經常陷入和活士對打的處境，有兩條出路，第一你有好的交易系統，可以在呢個食肉森林中生存，第二你有過人EQ，可以去「屈機」，好以秃鷹一樣，搵個空位去食吓老虎仔食唔到的肉碎。
名仔：女友認為你買股屎，你睇佢又唔係好你幾多，可能兩個都唔夠好，唔好認叻拗交，而係要一齊研究吓有無好啲的辦法。
Hero:美國經濟數據有啲走樣，就業、樓市都唔夠好，即使係復甦，都係好慢的復甦，只怕佢掉頭回落。如果經濟表現，滿分十分，中國８分，美國５．５分，歐洲５分，美國並唔係好過歐洲好多，如果抽歐洲最強國德出來，佢有６．５分，一啲都唔失禮，只不過比整個歐元區埋藏咗而矣。
Cyn2009:真正賭到上癮的賭徒，其實好難救，好難自拔，因為佢受慣咗賭博刺激，對正常起落無咁大的事情都相當麻木，例如你炒股一日上落１、２萬，老闆今日話加你５０００元人工，可能都係大加２０％，你都唔當一回事，你話邊有機會做好份工。
小潘：農行本質麻麻，但搞靚咗條數上市，估計今年盈利都增加２０幾％，若真係是１．７倍PB，２．８元上市，較其他內銀股有的折讓，若市場相就，上望有一兩成升幅，但唔好期望太高，因為農行升到和三大內銀接近水平時，人地就會睇番農行的質素，所以認購完坐一段換番工行、建行好啲。
依家控股：你要小心諗諗，如果賣咗市區樓，又買番新界樓，係唔係咁著數，因為除非兩者差價很大，否則你賣一間４００萬，買番間３００萬，加埋使費，無乜減持套到乜。賣得樓可能要預咗租一段時間，否則不如唔好賣。
貧窮終結者：２８２３等出股票期權影響唔會太大，因為佢係指數股，股價主要跟大市走。
Luk Sir 及 各網友早晨!
睇到網友亨記的事, 有感而發, 小弟與女友亦因投資/機問題, 最近在爭吵中, 女友認為我屎, 由她發板, 但 2 個月過去, 她亦好不了多少.
請問 Luk Sir, 是否如 Kathleen 所言 " 我諗咗成日，如果我只買指數股，例如2800、2828、2823等，咁我就唔使同股場活士對打啦，咁諗啱唔啱呢？"
謝.
陸sir：
您話「不過落到股場，就個個人被逼要同股場活士打波，你地想避都避唔到喎。」
我諗咗成日，如果我只買指數股，例如2800、2828、2823等，咁我就唔使同股場活士對打啦，咁諗啱唔啱呢？
陸sir:
早前美國經濟數仲好地地，但近期公佈的數據以經走晒樣。會否對美股冇咁睇好。
另歐洲方面同內地的股市又點睇呢?
可唔可以就呢3個地方比一比分 ? 由1-10分 10分為最好你會點比呢?
因為我對數字比較敏感...如果睇文字我反應比較慢。麻煩晒
不單止，下月期指也大增。門兄你說的是下月期指吧
pplo:咁早起身溫書溫通頂呀???
有進步有進步
期指加倉??? 大戶夠狠
Luk Sir,
早晨啊!
睇到網友的事情, 真係有感而發
其實要重新營運自己的人生真係不容易, 猶其是一個賭徒, 眼見身邊的賭徒在多次欠債下, 仍死性不改, 感覺對他的幫助就好似縱容, 只會令佢越踩越深.
所以本人覺得賭徒最重要就係克服"賭"呢個心魔, 當然作為身邊人亦不應給予後援, 才有機會慢慢步回正軌 (或者大家都會覺得我涼薄, 無人情味)
而男網友們, 大家不用灰心, 基本上女性比較有母性, 就算多次犯錯, 一般的女性都會自已為你哋找藉口, 然後原諒你哋, 到最後歷史只會重複地發生. 除非個女仔已變心, 或有新的目標 (我身邊多的是這樣的朋友)
祝好運
Cyn2009
禽日期指多左近4千張未平倉合約
To: 陸sir
今日有報導指農行H股 2.8定價，市帳 1.7倍，咁既水位買唔買得過???
去到什麼水位為之貴呢?
小潘
嘩...Soros 為何不斷批抨豬區...連德國都不放...是否要令euro見一算才平倉..
..還好...大師沒有說亞爺三三四四...買人仔好d.
扮豬,
謝謝你!想了幾天，加埋大家的意見，我清楚左唔少，謝謝大家!
陸sir,
對不起!搞到這裏變左愛情信箱，和這個blog離哂題，請見諒
Judy,
我有個壞習慣是會早到...以前試過早到三十分鐘俾佢鬧...現在都學識不要早到咁多，有時失手又早到三十分鐘，咪又係街度自己呆等或行黎行去，到真係夠鐘先打俾佢話到左....所以有時佢遲一小時，唔好彩我又早到左，咁就等左差唔多一個半小時....我都係有d問題咁樣....
347 鞍鋼股份 23/06/2010 收10.1 跌0.34
鞍鋼於10/6最低見9.05回升,已升越兩月來高位所連上升阻力線,至21/6最高見10.82調整,今天裂口低開後窄幅牛皮,呈十字星浪中浪底訊號,如能升越今天高位10.2續可看好,如今天低位失守,將回試上升阻力線突破後支持始回升,上升目標約為12.8.
陸sir同各師兄....
小弟賣樓一事開始有d微目....
過去週未真係勁多人睇樓, 多到你唔信........亦都多左還價, 似乎真係有幾會賣得出.....所以依家開始諗......賣左樓之後搬去邊
本來我打算租樓住幾年先....等樓市回再買過
不過計下數, 就算平租, 租落一年閒閒地都十零萬, 如果租幾年不如用d錢買樓? 就算樓價趺, 如果樓價趺少過租金減供樓利息就ok
依家屋企冇錢當然要就住就住.....我自己諗到想買平樓大慨有兩個選擇
1/ 市區超舊樓, 35-50年果d, 唔係介意佢舊, 不過供得嚟應該都變古蹟啦
2/ 郊區屋苑, 例如深井, 屯門, 大埔, 東浦, tko....問題係我份工係返南區...
想問下陸sir同各師兄有冇咩高見....等小弟參考一下....
我認為女方會自願性咁為結婚和將來付出些少. x2
一個女人想同你結婚但少少錢都唔想儲,
我咁講你會容易明白d,佢可能係好女友,但唔會係好老婆. x2
我唔同意女方要付擔一半結婚的費用,>>-----唔需要計較是否出一半或幾多，結婚前大家共同努力一齊儲錢，兩人都有責任
袋鼠：早晨噢！為世界盃失眠？
早晨
2:1
陸 sir,
2823和2827期權對股價有何影響? 會增加波動和成交嗎?
在QFII的限制下, ETF單位不能任意增加, 會否對ETF的溢價有影響? 如何分析溢價?
謝謝!
香港交易及結算所有限公司（香港交易所）將於7月12日推出iShares安碩新華富時A50中國指數交易所買賣基金（安碩A50中國ETF）及標智滬深300中國指數基金（標智滬深300 基金）的期權，增加旗下股票期權產品的種類，進一步加強旗下市場的中國元素。
http://www.hkex.com.hk/chi/newsconsul/hkexnews/2010/100623news_c.htm
死火，又瞓唔著…
飛哥，加油啦…
笨仁:
http://zh.wikipedia.org/zh-tw/禁書目錄
又一場補時入球，決定埋出線，夠晒戲劇性…
唉，要早開工，睇唔到夜場，無得睇袋鼠隊最後一場… 早抖噢。
希望聽晚熱血紐西蘭有驚喜
PS 祖師，做乜睇咁多禁書… 「禁書目錄」入面嘅有列嘅書？
亨記:
"但你女皇有無SAY SORRY？有無見你黑面(我估應該都合理去黑面GA)而鬧你？"
我諗正常少少都會say sorry...就算食黑面都唔會一開波就鬧
不過我冇黑過面, 唔知佢會有乜反應, 不過佢成日話欠左我咁lor
"如果佢是公主病，是否應該幫佢醫番好？會否離去是不負 責任？"
師兄, 有時唔駛睇到自己好似聖人咁, 聖人都有錯, 更何況我地唔係, 呢個世界唔係話你想救就救, 亦都冇話邊個欠左邊個, 最緊要唔好違背自己個心, 想救就救, 唔想救就唔救, 因為你想救, 可能人地唔想被救, 夾硬逼自己會好辛苦
8228 國藝控股 23/06/2010 收0.053 升0.0
國藝於20/5最低見0.04回升,已升越近期高位所連上升阻力線,至7/6最高見0.062調整,今天最低見0.05回升,呈射擊之星轉勢訊號圖形利好,上升阻力為0.062,0.071和0.084,跌穿0.05止蝕.
亨記：睇嚟您ｇｆ真係完全唔識體貼您，又好高務遠！我都好鍾意旅行，初初幾年出嚟做嘢完全儲唔到錢，一有錢就去旅行，亦鍾意買名牌手袋（ＬＶ都有幾個），首飾亦都有唔少，名表都有幾隻，但全部都係用自己嘅錢買，冇諗過要男友俾！我唔鍾意人遲到（最多容忍１５分鐘），自己亦唔會遲到，如果真係有事遲少少一定會打電話話佢知．其實好多嘢都係相對的，唔能夠祇係對人有要求，對自己卻太寬鬆！如果佢完全冇為您著想，我真係懷疑佢究竟係唔係真係鍾意您定係騎牛搵馬！
凡過於把幸運之事歸功於自己的聰明和智慧的人多半結局是不幸的。
愛情就像銀行里存一筆錢，能欣賞對方的優點，就像補充收入；容忍對方缺點，這是節制支出。所謂永恆的愛，是從紅顏愛到白髮，從花開愛到花殘。
「Wings of Desire」 (柏林蒼穹下) ......我都好鍾意
Kathleen，早晨噢！Tom Hanks及Meg Ryan拍檔，我數到三套，除咗「緣份的天空」及「You've got Mail」，仲有一套叫 「Joe versus volcano」，不過袋鼠無睇過。
陸sir、Kathleen，印象中「City of Angels」畫面拍得好睇，但可能因為有「Wings of Desire」 (柏林蒼穹下) 先入為主，鍾意這個原作嘅意景及創意、多過改篇嘅浪漫。
過於重視愛情
就要喪失財富與智慧
培根 (1561-1626)
http://zh.wikipedia.org/zh-tw/弗兰西斯·培根
扮豬,
但你女皇有無SAY SORRY？有無見你黑面(我估應該都合理去黑面GA)而鬧你？
各位,
如果佢是公主病，是否應該幫佢醫番好？會否離去是不負責任？
亨記: 對女朋友好唔係錯
好似我女皇咁, 我都成日等佢放工, 兩個鐘我都等過, 但係就唔可以令佢覺得係老奉咁lor, 可能每個人都唔同喇
死喇完黎我有公子病呀
袋鼠,
你不要收口，多謝你的直言!
其實應該無條片咁誇張，無咁大聲，聲線無咁響，比較平和D.....
亨記，拍拖還拍拖，真係結咗婚，唔會亦唔可以咁玩嘢架喇，你估真係睇電影咩。你放自己一馬啦！集中精神做好第一件事先啦。
唉，又收唔到口，阿門。
門徒,
真的，我真的次次幫佢「督」檸檬....有問題的？不是體貼的表現？
各位,
看這片段
http://www.youtube.com/watch?v=aMqhLc6mbTQ&feature=related
幫佢攞袋, 袋野飲俾佢, 諗去邊度食野, 搭車等....點解會完全和片段差不多一樣...(只差不喜歡小巴變成巴士)...我真係以前認為片段中所說的公主病是正常的....陸SIR...大家...究竟係對定錯？？？另外，我每日都會MORNING CALL佢...即使暫時分開左，我都照舊做....
飛哥，自己未試過而走去強烈推薦，萬一有乜東瓜豆腐，好易拿屎上身。
但係講真，如果你一向同衍生親友都有好關係，都不失為好嘅入手點，但最好當然係從正股女友入手，始終親友都係局外人，可做的是有限。
PS 草哥批你及批henry嘅情況，睇嚟批得幾準啵。
亨屍兄:你認錯人喇Aura黎架
你能到達這種境界我唔識你架
草兄: 第一點係小事, 不會導致如此. 第二點中了
鼠鼠: 咁有無o的你會強烈推薦架?
亨屍兄: good luck to u
Auramancer, 門徒,
我次次都有幫佢「督」檸檬GA...只要不要咁鬧人就得LA...佢無咁大聲...只係佢話我聾同啞....有時真係聽唔到佢講咩(尤其是係電話度)....有時佢好惡，我便唔出聲忍住唔發嬲，所以會俾佢話我係啞....
亨記, although love is NOT scientific, I suggest to make a list of your girlfriend advantage and disadvantage, and whether it can be changed in near future. Then make a conclusion by yourself... few days later.
( also, this list apply to yourself as well.. pretend that you are a 'girl' ... )
finally.. try to find out someone that can fit you ( or totally unfit* you ) girlfriend.
*quite good for next generation and family if you/and the other can bear it .. but would have a hard time to get use of..
http://www.youtube.com/watch?v=kbTM0B9OOak
劉慧卿 剛在立法會講完
政冶真是無對錯, 以前見到佢講野我會火燒心, 今次暗中讚嘆....
變了, 一切都在變了, 生果都變, 乜樹 ??
Auramancer,
她不是一無事處，她不發脾氣的時候是很好，小鳥依人，亦很喜歡笑，亦會鼓勵我....只是她一發脾氣，180度倒轉，好似鬧仇人咁鬧人...雖然佢講的一些不是沒有道理...但她忘記自己是我的女友...佢可以假設自己係面試官咁質問我...但我想說，我未見過面試官會以咁不客氣的態度質問人...是否我見識少？？
另外，其實佢已經進步左，遲到一小時已經識得講對唔住，會溫柔咁說我又黑面LA....
不是經常係咁...通常遲 15-30分鐘//
亨記,
sorry我唔識同你溝通,你無得救.
祝你好運!!!!!!!!!!
Auramancer,
我不知道...當佢遲了放工...我等了一小時我黑面了...佢話返工見老細黑面，跟住放工又要見我黑面，鬧左我一餐...不知是否我不應黑面...？
結婚日,兄弟團在女家,大玩大笑過後,當著全世界人,外父把新娘的手拖到新朗面前,對新朗說"咁你以後要幫我好好咁照顧佢啦", 新朗說"我知道架啦".
比起"我願意", 呢句 "我知道架啦"更令小弟難以忘記.
小安子,
不是經常係咁...通常遲15-30分鐘...最利害個次兩個多小時是因為佢工作的關係先遲到，佢都估唔到遲咁耐...我等了差不多一小時，都到附近圖書館去坐....