男人太過aggressive

2010/06/24 09:47:49 網誌分類: 經濟

24 Jun

　　美國5月二手房銷售唔掂，昨日公佈的新屋銷售數字更嚇人，跌至歷史低位。美國聯儲局議息後維持利率不變，但對經濟前景語調轉淡。美國三大指數個別發展。杜指先跌後升，朝早最多跌過67點，之後逐步回升，午後在上日收市位窄幅爭持至收市，收報10314點，微漲5點；標普500指數跌3點至1092點；納指跌8點，造2254點。杜指期貨最新報10221點，比現貨低水93點。

港股美國預托證券偏軟。ADR港比指數收報20712點，比香港收市低144點或0.7%。匯控收報75.52元，比香港收市低1.2%，中移動靠穩，報79.62元，比香港輕微收低8仙。

繼週二公佈的美國二手房銷售下跌2.2%，昨日的新屋銷售數據，跌幅嚇人，進一步打擊了市場信心。美國商務部表示，由於購房者面臨就業市場疲軟以及購房優惠政策結束等因素影響，5月的新屋銷量較上月大跌32.7%，年化數字降至30萬幢，創了歷史新低。市場原本都預計5月新屋銷售唔係好掂，會下降21%至降至40萬幢，但未想過會差成咁。這個數字係美國政府自1963年開始報告此項數字以來的最低值。連續兩位報告，明確顯示出美國房地産市場狀況低迷。樓市唔得，經濟亦唔係好得。

聯儲局昨日宣佈，聯邦基金基準利率維持在0至0.25%的歷史最低區間不變，以前，這個消息都會對美股帶來利好的刺激，但昨日的股市就不為所動。聯儲局在議息聲明的用語，比上一次會議後的聲明，略為睇淡美國經濟前景，聲明表示「受歐洲債務危機影響，美國金融狀況對經濟增長的支持作用有所降低。」對樓市的看法亦較前謹慎，上次話「新屋動工已有些起色，但仍然受壓」，最新的講法就只有「新屋動工仍然受壓」；至於通脹方面，就加咗兩句「由於能源及大宗商品價格近幾個月的下跌，通脹的趨勢向下」。改變和增加的語句都係向淡，儲局亦在聲明中表示將在「較長一段時間內」繼續維持目前處在歷史最低水準的聯邦基金基準利率不變。這有可能意味著美聯儲將在明年之前繼續維持較低的利率，更有分析員估要到明年中才開始加息。

歐洲方面，週三公佈的歐元區採購經理人指數顯示，歐元區6月份製造業與服務業增速輕微放緩，由5月的56.4降至56.0，其中製造業採購經理人指數由55.8降至55.6，服務業採購經理人指數由56.2降至55.4。歐元回軟，兌美元再度跌穿1.23美元至1.227美元。歐洲股市全線向下。英國富時100指數、德國DAX指數及法國CAC-40指數齊齊下跌超過 1%。

網友大笨袋鼠提到佢和太太理財取向的分別，這似乎是幾普遍的現象，佢話：「袋鼠嫂對投資、投機無乜大興趣 (正常佢唔睇陸羽仁)，港鐵有息派就好開心。結婚時大笨有少少賭博傾向（始終單身過一段長時間，慣自己食自己，無乜掛賴），所以有日靚靚佢攞份頭條叫我睇陸羽仁，當時大字標題好似係「賭窩輪輸死你」；所以我同靚靚講，大笨嗰份就攞去搏命 (雖然相對都已經叫有不少投資成份及控制風險)，佢嗰份就只係穩穩陣陣只買收息股、定期存款；touchwood一句，大笨PK咗都仲有靚靚一份生活。投機貓貓你應該好清楚，李維摩（大投機家）佢初期炒股輸上身，跟住問佢老細借五舊水，去bucket shops番身 (亦係佢領悟出止蝕道理之處)；其實佢後期幾次投機失敗，就係靠佢老婆個首飾盒番身。」

　　我有一個觀察，就係男人通常會認自己買股叻，其實只係鐘意博、想一朝發達而矣，有人投資、有人炒股炒輪、有人賭錢，但比較少人在銀行存定期。但相對地很多女人係唔投資或只作被動投資之人，佢地自認唔識買股。（我只係講較多數，唔使話俾我聽有啲女人都好爛賭，或者有啲男人都好保守）我有一個觀察：男人太過aggressive（大野心）。或者呢個係典型「肉食男」的表現，雖然而家愈來愈多「草食男」。

　　男人呢種愛好食肉、具野心的特性，相信係父系社會教化出來，社會界定咗男人要進取啲，要做一家之主，要賺錢養家，要乜要物。呢種心態投影在投資上面，就係男人自覺好識嘢，女人唔識嘢，男人識投資，女人唔識買股。我以前講過一個例子，都有超過十年前，有一個我在餐廳食飯，旁邊一枱一男一女應該是男女朋友也在吃飯，個女仔買咗匯控（００５），問個男仔，唔收現金利息，收以股代息好唔好，我記得匯控當時應該是５０、６０元左右，個男仔講一輪，就係話以股代息個定價點唔公平，通常會定高一兩毫子（我都唔知佢呢個理論啱唔啱），所以以股代息制唔過，個男仔講講吓就話匯控都買唔過，股價上落太少，他買一隻股仔，幾日都升幾成，買匯控無厘味道咁話。唔知係唔係聽到呢個男仔講嘢太認叻，總覺得佢油頭粉面，並不可信，而個女仔青純可人，開始有少少為佢的前途而擔心。十多年過去，而家無法知道呢對男女買股的下文，但女仔即使長揸匯控至今，即使匯控表現如此不濟，但股價仲有賺，加埋收咗咁多年息，回報都有一倍以上。但個男人如果炒炒吓，炒到今日，到底是賺咗１０倍，還是上上落落得個桔，甚至個桔都唔見埋呢？

　　聽大笨袋鼠平時講嘢，佢都係穩陣之人，買股應有合理回報，應該會好過女人買地鐵揸住唔郁。但有更多炒上炒落的男人，過咗１０年、８年之後，回頭一望，會唔會發現自己的累積回報（或負回報），差過自己唔識投資的老婆呢？過份大野心，可以一舖清袋。食草係唔係一定差過食肉呢？

陸羽仁

回應 (264)

我要發表

陸羽仁 2010/06/25 11:55:41 回覆

陸羽仁覆網友

Any:直升機可以守一個止蝕價，唔到唔沽，作為一種長線策略。若是中短線，等到下星期，若大市升到21000點樓上，可以減持一部份，候低再買。

Moses:滬深300指數基金無A50咁熱門，會唔會溢價少啲?可以去查一查。

Stockinvest:若係講長揸10年，我可能都會買啲招商中國基金(133)，因為佢雖然不是指數股，但由於較資產值折讓較深，有30%折讓，有4.8厘息(因為折讓多所以有咁多息)，即使假設佢不會追回折讓(其實唔一定，市好旺好多人炒時又會炒埋佢，令折讓減少)，單計收高息條數都小數怕長計。

3048 DBX巴西ETF從低位反彈不少，現時正在一浪回調中，似乎會回得深啲，忍一忍可能個價會靚啲。

你問「2809 領先商品ETF 是否應賣掉, 換入2820領先新興市場」，睇走勢領先商品明顯弱啲，佢已經在下一個階梯下炒，上一段的支持位20元左右，變成阻力位，可能是受歐美復甦不如理想及中國控制借貸和樓市影響，若不能上穿20元，未來有機會在下級、即18至20元中間走上落。領先新興市場走勢好啲，若守住唔穿74元，就唔穿一個小型上升軌，有機會反覆向好。本來兩隻要各自睇走勢，好難一定話一隻唔得就要買另一隻，因為新興市場/歐美元市場/商品都可能同步走，但夾硬要揀一隻，我就話領先新興市場好啲。

潘記:若不是一個追求高回報的投資者，農行可以買吓，坐一排，有10零%就走人。匯控的永償債券似乎唔係俾散戶買。

Bdroom:交行供股有碎股都無乜所謂，你長揸由佢放埋一邊可也，交行供股價有折讓，唔慌申請得幾多，搞來無乜用。

Tsyi:你啲問題好睇會唔會出現雙底衰退，而家睇都有三成左右機會美國會雙底衰退，所以美國佬有少少驚，四圍叫人唔好退市，但正路佢慢慢走出衰退機會仍然大啲。若係雙底衰退，拉長啲幾年去睇，如今只是熊市反彈; 若係慢慢復甦，就係第二期的牛皮拉鋸。不過分牛熊意義不大，你不用睇走勢，要睇美股再回吐會否破底一級級向下，還是跌定咗已反覆向番上。

依家控股:若套現到300萬元可以諗吓，但換樓借多咗錢，可以諗吓定息按揭，係要俾多啲，但可防將來高息，同埋要做長揸的預備，亦要小心保管新增財物。

一草一木:民生銀行十送二股等如拆細的，對股東無壞。

2010/06/25 09:59:41 回覆

陸sir,

想買A股基金作長線投資, 但見2823最近的溢價高達10%, 好似好唔抵, 您點睇呀?有無其他更好選擇呢?謝謝

moses

2010/06/25 09:43:53 回覆

在陸sir中立既blog, 請不要宣揚又或者抹黑某一D黨派既言論, 黎既高手巳經少, 再在陸sir blog搞一些政治宣揚又或者抹黑完全沒有好處.

2010/06/25 09:43:17 回覆

Aura, 希望阿爺打救...放重生走呢... ${#icons_cat6}$

2010/06/25 09:42:43 回覆

Auramancer

這三天來，下月期指開倉很多哩

2010/06/25 09:42:25 回覆

To: 陸sir

農行終於定價，價錢由最低 2.88 至 3.38，市帳率是由 1.53 至 1.76，似乎唔貴，可以買得過對嗎? (我以最高價計)

另外，今早睇新聞: 匯控(00005 )公布發行34億美元永償債券，息率為8%，將成為匯控一級資本的一部分。請問呢d係米發比散戶?

小潘

2010/06/25 09:35:33 回覆

老美又插...重生狂牛命不久矣... ${#icons_panda10}$

子龍 (kaka就是大叔的契哥) 2010/06/25 09:24:46 回覆

老美呢排成日插, 唔知阿爺點呢??? ${#icons_dog10}$

2010/06/25 09:14:37 回覆

陸sir,

講起男的食肉, 幾好笑. 我老父賭馬幾十年, 通常都玩高槓杆, 買三穿七, 三重四重彩等. 老媽早十多年前悶起來又賭, 但只買獨贏位置, 低槓杆. 老媽經常有錢收, 阿爸自然甚小. 俾老媽笑到面黃十幾年 ... "人賭你賭, 你識唔識架"

另, fyi, 有空指教 ...

牆頭草 (一切隨風) 24/6/2010 18:52:49 網友在此的回應

大廳不談政事, 所以在自己房寫了一段, 吹水一下.

原來寫的下午立法會都有人講.

有興趣到舍下看看. 要插都請到房插好了.

http://blogcity.me/blog/list_blog_edit.asp?f=2K696SV3UC22495

政改無間道

2010/06/25 09:14:35 回覆

陸 sir,

我有兩手有供股權的交通銀行，供股後會有300股碎股，持有碎股會唔會好煩?

另想問問好唔好額外申請供股股份?

謝

Bdroom

2010/06/25 09:03:38 回覆

陸Sir,

最近銀行都加了存款利息來吸定存，這是由於存款保障今年年尾到期還是別的原因哩？

另美國現時雙底衰退的機會大還是只是由衰退轉向好的其中一段沈悶期哩？

有人說現時是牛市２期轉向３期前的一段沈悶期，陸Sir是否同意，還是另有見解哩？

THX.

2010/06/25 08:39:34 回覆

陸Sir 及各位,

以現價計, (長揸10年以上), 您認為應買入:

133 招商局中國基金還是 2823 安碩A50中國

另外, 現價是否應加注3048 DBX巴西ETF?

2809 領先商品ETF 是否應賣掉, 換入2820領先新興市場?

謝謝。

有點炒細股現象想和大家研究一下:

不少細股低價配股收購資產。

股價在新股到前, 大幅炒上(散貨?), 新股將到大跌收場。

供股(除權後), 新股未到, 也出現類似情况。

例子 402, 616, 692, 985, 1218, 1222 等

( 也有例外, 但多數是收購較優質資產, 如235 及電盈前身 )

如果這是普遍的現象, 為何消息(配股)公佈後, 股價不跌?(只是莊家托市?還是只是因為現在市場缺水現象? )

Stockinvest

2010/06/25 07:41:58 回覆

金融High Tea——新股湧現搶資金

2010-06-25

昨日股市得個悶字，本地市場一片觀望氣氛，成交淡靜。恒指昨日低開59點後一度轉升，但午後再度跟隨A股和外圍回軟，以接近全日最低位收市，再度失守250天牛熊分界線，恒指收報20733點，跌123點，大市成交只有478億元，連續第三日收縮。

        美國經濟呆呆哋

        半年結在即，交易員粉飾窗櫥工作已經做得差唔多，農行（1288）即將上市，中資金融股造勢都造咗一段日子，佢哋近期升幅都有番咁上下，再上空間又唔似好大，醒目嘅投資者都係先做下「塘邊鶴」，睇定啲至算。

        金融股係拖累大市回軟的主要力量，有分析人士指出，歐美的經濟前景都麻麻，如今歐洲國家不管經濟是否剛從金融海嘯中復甦過來，紛紛開源節流的改革計劃，固然對長遠經濟發展有好處，但緊縮政策基本上將會拖慢短期經濟增長，即使市場對歐洲債務危機的負面影響已經消化，但對經濟前景仍然擔憂。

        美國聯儲局昨日議息後的聲明，對美國樓市和通脹的語調都比上一次差咗少少，顯示美國經濟復甦唔夠強勁，可謂呆呆哋。

香港新股上市一浪接一浪。隨着農行招股的臨近正逐步進入高潮，緊接着近日掛牌的海東青（2228）和中國聯塑（2128）後，內地證券商國泰君安香港（1788）和四大銀行之一農業銀行等8隻新股，將自本周起相繼啟動上市程序，集資額最多將超1200億元。

        市場資金充裕，加上大市轉暖，新股發售大多獲得了足額認購，但係唔等如隻隻上市後都得。

        中環茶友話，新股上市後唔係幾炒得，整體氣氛麻麻，未來更有一大堆新股湧現，先登場的是齊合天地，這個內地最大銅混合廢料進口商，計劃集資約7.8億港元；國泰君安（香港）也將於今日起招股，根據其初步招股文件，該公司擬發行4.1億股新股，集資15.9億至23.1億港元，國泰君安是內地主要證券商，按道理內地擁躉唔少，但在香港好似水波不興，得唔得睇吓內地同胞點炒；同時啟動招股的還有深圳歲寶百貨（312）及華耐控股（1020）；下周的IPO集資將達到高潮，康宏理財、博耳及中國智慧交通齊齊上車，將與農業銀行「撞車」，並行招股。

        有業內人士提醒，農行尚未公開招股，四面八方湧入的資金尚能應付多隻新股同時招股，市場資金會相當吃緊，想認購新股投資的投資者須謹慎。

        認咗唔會發大達

        據中環茶友估計，𠵱家搞出旺旺哋的市道，農行去貨無乜問題，估佢會在中間價位如3元定價。呢啲價唔係唔買得，但係又唔好望佢一上就狂升，睇咗過去建行（939）、工行（1398）上市的情況都知，呢啲大銀行買咗都要有啲耐性，唔係即刻發達嗰隻。

        陸羽仁

2010/06/25 06:15:05 回覆

多謝陸sir回應有關買樓既問題

其實我想咁....依家果度大慨賣到接近五百萬

還埋錢仲有四百幾萬, 如果搬去深井, 參唔多大既單位二百萬頭有交易

放一百萬落去, 做一百萬樓按, 月按應該比租市區樓平, 而且可以吐現三百幾萬

唔知陸sir覺得點?

2010/06/25 06:14:51 回覆

Dow Jones Industrial Average(DJI: ^DJI)

Index Value:	10,152.80
Trade Time:	4:03PM EDT
Change:	145.64 (1.41%)
Prev Close:	10,298.44
Open:	10,297.08
Day's Range:	10,128.85 - 10,298.06
52wk Range:	8,057.57 - 11,309.00

2010/06/25 06:13:18 回覆

大家早:

小民想請問1988十股送二股,股價會跌又會有碎股,意義是什麼呢?

謝謝.

Persie 2010/06/25 04:56:15 回覆

今年個新波考起唔少罰球專家，但被日本的Honda 同Endo成功駕馭，射出靚罰球。日本隊3-1擊敗丹麥次名出線，恭喜日本隊，加油！

k-i: 派路在世開鑼前受傷，本以為會緣盡世盃，但他比波力克幸運，終可趕及上陣，但紮傷上陣，演出難免大打折扣。意大利有點像法國，最好的球員並不在場上。上屆意大利縱然得冠軍，我已覺得是最後的煙花。今屆是年輕球隊抬頭的時候。介紹一荷蘭小將左翼Elia艾利阿，他速度飛快，盤球技術高，在往後比賽可大放光芒。但荷蘭巴西好大機會於八強賽碰頭，只有其一可晉身四強，是有點可惜。

如果西班牙次名出線，十六強賽時好大機會馬上碰上巴西，戲碼比美英德大戰，且看明天戰況如何。西班牙要勝智利也非易事，要使出真功夫。況且智利守和已可出線，就梗係玩穩守突擊。西班牙輸壞了第一場，亦動搖了軍心。只可惜托利斯因傷狀態大跌，如果是fit的托利斯拍住fit的維拿，會是對超強組合。

包 2010/06/25 02:56:24 回覆

我以為派路今場會係正選，有報紙寫到好似係今場正選，點知@@

意大利，堂堂世界級勁旅，咁都贏唔到一場

仲要輸一場。

我覺得意大利輸係鬥志方面，無一種無論如何都要贏的決心。

係臨尾果十分鐘，先覺得意大利好想贏。

打左２７０分鐘，爆得果十分鐘

雖然今場意大利幾黑仔。

2010/06/25 02:31:59 回覆

悲情意大利 ,派路如不因傷而能打足全場戰局必然不同.

時也命也! ${#icono_4}$

2010/06/25 02:02:49 回覆

哩兩日隻貓去左邊？

包 2010/06/25 00:53:42 回覆

意大利輸波@@

2010/06/25 00:17:08 回覆

Evening qqcheng : ^^

I have a private message for you.

Please check it.

2010/06/25 00:10:02 回覆

Hi everybody

法國同意大利上屆爭冠軍，今屆齊返歸，真失敗

qq: sister 得唔得，用UUSee可以睇到 cctv5 & cctv5高清(down d 𤪻就得架la)

不過我唔知 how to pm

大戶終結者 ( 等人齊 ) 2010/06/25 00:09:50 回覆

歐豬危機重燃: ${#icons_panda5}$

已有兩豬被下調至「返歸」級,

危機影響下, 法式田螺也一同被下調至「返歸」級。 ${#icons_girl2}$

2010/06/25 00:01:58 回覆

Goodbye italy

qq,

回家收信

2010/06/25 00:01:40 回覆

嘩，又係補時入波…

2010/06/24 23:56:27 回覆

今年歐洲球隊食晒 C，都唔知咩事

唯一賴就係佢地國運都開始走下波啦

小潘

qqcheng (小吉) 2010/06/24 23:49:41 回覆

{#200911301746196484.gif} 請問有冇 brother 有睇波靚 link, pm條俾我,唔該 !!

2010/06/24 23:40:57 回覆

又係紐西蘭個鐵血門將 {#201005121723109976.gif}

求知兄，真係撞邪 ${#icons_cat2}$

2010/06/24 23:02:36 回覆

趕住去睇波？ ${#icons_cat2}$ < --- 九成九 ${#icons_cat2}$

意大行會唔會又搏十二碼？ < --- 必要時，無所不用其極，會搏 ${#icons_cat10}$

2010/06/24 22:59:30 回覆

曾鈺成9:50宣佈提前休會

趕住去睇波？ ${#icons_cat2}$

2010/06/24 22:54:47 回覆

散仔,

我都係上網搵架詐 ${#icons_dog1}$

如果意大利追番1比1,而另一面0比0完場,都係意大利晉級,不過睇意大利踢成咁,佢輸左仲好

2010/06/24 22:45:31 回覆

睇緊波，都無人理道指跌過成百點 ${#icons_cat2}$

意大行會唔會又搏十二碼？ ${#icono_30}$

2010/06/24 22:41:03 回覆

cashin 兄,

我都係喺報纸得知基維爾得到絕症，詳情看這連結 http://news.singtao.ca/toronto/2010-06-20/sports1277025323d2559552.html，如服藥物控制到病情，當然就最好，佢係我喜愛球員之一，都想佢活得好 ${#icons_cat3}$

意大利死得, 輸緊1比0 < --- 莫非上屆冠、亞軍都係分組賽出局？ ${#icons_panda5}$ 咁邪！

2010/06/24 22:29:10 回覆

意大利死得, 輸緊1比0

2010/06/24 22:24:59 回覆

kewell 2002 驗到有事
但係及時控制到可能而家仲要啪野控制 (無詳細講) 但應該無生命危險
當年唔開始控制就 5-8年內應該瓜得 (即係而家已經香左)
話我真心都好作為以前既leeds fans有必要為kewell澄清下 :-[
原來係咁, 仲以為就死, 咁都好丫, 起碼唔洗死, 即係仲有得睇佢

2010/06/24 21:40:59 回覆

呂蒙子明，hello ${#icons_panda2}$

2010/06/24 21:29:40 回覆

求知散仔，基維爾Kewell個病，我初初聽以為係謠言，而家聽你咁講又似層層…如果係堅料就真係可惜 ${#icons_cat5}$

其實佢初出道時對佢有啲反感，因為佢 (及另一個維拉、曼聯守門員Bosnich) 零願踼英超聯，都唔歸國家隊備戰… 不過或者當時對太平洋島國比賽太多，啲國家隊教練又唔係咁有維繫力，想在英超踼出名堂先啩…

十二碼OK，但基維爾嗰件紅牌真係哽唔落 ${#icons_panda10}$

唔知澳洲隊是否已過了一個黃金年代，下一個唔知又等幾耐…

2010/06/24 21:15:50 回覆

大笨兄,

我對澳洲隊其中一位球員 — 基維爾，感到哀傷不已 ${#icons_cat5}$ ，他原來有絕症，生命正倒數中，好似剩餘兩年時間，他不理自己生命有危險，在今屆世界盃，仍然無悔地及一心一意代表國家隊比賽，望能在餘生在國家隊作出貢獻，活得無憾，但可惜第二埸分組賽，因在龍門柱邊用手臂擋出加納球員一次射門，球証殘酷出示紅牌趕出場(其實出示黃牌已足夠)，宣告他在代表國家隊生涯完結了，帶著遺憾慢慢結束生命中…… ${#icons_cat5}$

他那時在英超聯 — 列斯聨，打得非常出息，是有技術腳法澳洲球員，唔少球迷對他一致讚賞，我要向這硬漢子致以崇高尊敬！

2010/06/24 21:15:50 回覆

求知散仔，所有大礦產股都升成百分之一，如果袋鼠市唔係因為銀行股下挫，會收紅盤。因為新首相Gillard上台第一件政策，就係宣佈取消政府「解釋」暴利稅嘅廣告，而礦業商會及幾間大採礦公司亦停止反政府暴利稅廣告 (當中有不少誇大靠嚇成份)。即係大家坐低議和。對礦股及政府係好事，但唔知結果對國家係咪好事。

因為在野工黨派系膠著狀態，陸克文係在無派系情況下(當時是優點)被推上台。而佢守住個首相位係完全依靠民意，黨內根本無派系支持 (現時係死點)。佢雖然執政有缺點，而近期有幾個決定真係聽錯意見 (據聞呢啲意見，係來自而家反過來迫宮嘅派系) 但其實袋鼠國民生情況唔係咁差。或者海嘯已經對好多袋鼠嚟講，已經係遙遠嘅事。

新上任呢條女其實時晨未到，佢似乎都知，不過半推半就俾人拱上位。睇佢係做到嘢嘅人，但佢個助理就唔係好掂。至於陸克文，在最後一刻自行了段，好嚟好去，照計可以返去老本行 (佢會稱職)，做外交部長，咁就多啲機會去中國到訪及練普通話吧。

2010/06/24 21:13:47 回覆

Hi, long time no see everybody ${#icons_panda2}$

2010/06/24 20:53:07 回覆

公司有單大order, 超忙! ${#icons_panda25}$

2010/06/24 20:50:07 回覆

陸sir，嘻嘻﹐好彩有你最後一段，睇嚟袋鼠未算係負面教材 {#200810021117428133.gif} ，希望可以保持落去啦… 不過正如你之前講過「唔輸做富翁」，如果大笨以前賭少啲、輸少啲，回報會可觀得多……

求知散仔，班袋鼠球員當然有面見東江父老啦！ ${#icono_83}$ 馬後炮分析，雖然有影響，但唔可以賴球証，因為通常判錯案有得有失 {#200812030959121686.gif} ，長遠拉均條數，錯係錯「留前鬥後」，無派出最佳陣容，第一場輸四蛋俾德國。 ${#icons_panda20}$ 他X的，我仲以為佢兩個前峰帶傷‥ ${#icons_panda8}$ 結果三個時間加埋270分鍾，老基落場10%時間都無。 ${#icons_panda20}$ 不過個教練都唔再續約。希望今晚上演多一場熱血紐西蘭啦！ {#201005070949135327.gif}