天生快活人
2010/07/27 00:56:31
網誌分類:
寫作
有D人天生樂觀, 乜鬼嘢經佢眼中看來, 都係一件樂事o
最明顯的事例, 枱面有半杯水, 樂觀的人睇倒就話, 好嘢!有半杯水飲! 而悲觀的人睇倒, 就話: 唉!乜得半杯水咋!
有一個個案, 某鞋公司派一調查員去非洲, 睇吓可唔可以發展鞋的市場, 一個悲觀的調查員回報話: 冇市塲!因為果边冇一個人着鞋嘅!
但另一位樂觀的調查員回報話: 市場大到不得了, 因為非洲人人都未有鞋着!
所以世事, 樂觀, 悲觀只是一個想法!明乎此, 做人能搞通思想, 就是天生的快活人了!
一個窮到燶的人, 樂觀的想: 根本就唔洗担心火燭賊刼, 因為一貧如洗, 再冇乜嘢損失!
有位老公玩失蹤的樂觀亞太, 同D仔女講: 好嘢!以後每餐可以煮少一個人飯!
君不見最近華叔自言天賜佢癌病, 得到了很多人的祝福!也認清了一個相識廿多年的黑心鬼!佢仲要同黑心鬼斗長命添!夠樂觀吧?
黄SIR見有D人, 可以成日笑口常開, 真係憂愁同佢絕咗緣, 呢D性格真係認真難得!
歷史上有位孫山先生(成語: 名落孫山, 聽過未? 唔係孫中山噃!)
佢考試考第尾, 就寫咗首詩俾個同鄉的父親, 吹漲人!
佢話: 榜名盡處是孫山, 賢郎更在孫山外!
意思即係話: 你咪話我水, 考第尾!你個仔仲水過我!名落孫山!
有幽默感啩?
做人咁諗嘢, 就會快樂好好矣!
人比人, 比死人!
比上不足!比下有餘!係唔係會快樂好多呢?吓?
回應
(0)
我要發表