天生快活人 2

大家有冇聽過 杞人憂天 的故事呀？

古時杞國有位十分悲觀的人. 日日就擔心個天會冧落泥, 攪到周圍D人煩到死, 勸又勸佢唔掂, 真係冇佢符ｏ 黄SIR就最怕遇倒D咁嘅人, 冇計傾！你講乜佢都諗到最壞, 真係同D咁嘅人玩, 寸步都難行也ｏ你約佢玩, 佢又驚落雨, 又驚打風, 变成路路都唔通！

但佢日憂夜憂, 有乜益呢？只係得個憂字ｏ 佢就係唔明, 個天如果真冧落泥, 乜人都死啦, 仲駛乜憂呢？如果唔冧, 咪繼續玩囉！

人生是要追求快樂, 幸福的, 成日自怨自艾, 船頭驚鬼, 船尾又驚賊！又有乜益呢？

所以好多人都識揾D娛樂, 例如黄SIR而家玩的, 唱粵曲呀！ 跳社交舞呀！ 賭吓馬仔呀！ 超伯玩的, 打活力鼓呀！攝影呀！ 教人上網呀！其他人玩的繪畫呀！ 書法呀！ 武術呀！ 諸如此類, 都可以快活過神仙ｏ

有D人話, 我要為口奔馳, 又點可以剩係玩, 同吃喝玩樂呢？

咁又係, 又唔係人人做嘢, 都可以玩玩吓嘅！

但做人唔係日日, 只係吃喝玩樂先快活嘅, 保持事事樂觀的態度, 事事向好的方向想！做人做事都會快樂D也ｏ

做工, 唔開心！放低休息吓先囉！再唔掂, 大不了東家唔打, 打西家囉！ 駛死咩？

再唔係, 辭左份工, 玩晒D錢, 至揾過份又得囉！

一唔係, 駛晒D錢, 搞到自已可以攞公援, 等政府飬！你吹乎？

總之要信: 天無絕人之路, 你點都會快樂D嘅！知冇？