東周列國志 之 讀歷史的感悟 2

讀這些故事, 如果你留意其中人物的思想, 你會發覺二三千年前的人物的思想已不落俗套, 自由奔放, 並不墨守成規, 根本冇俾一些世俗規範綁死！根本唔會自已被思想困死自已！

例如晉公子重耳接受秦穆公的幫助, 回國同當時晉君爭奪王位, 秦穆王將已嫁了給當時晉君的公主, 再許配給重耳！

重耳碍於禮法, 因公主已是姪婦, 豈可亂倫？

但左右之人點出, 如不接受政治婚姻, 秦穆公又點會幫你呢？今次係回國同姪仔爭王位, 同佢勢成仇敵！ 如臣服佢, 該女子就是國母, 不能亂嚟！但今番爭位！必成仇敵, 仇敵任何嘢皆可搶奪！何况一女子？

公子重耳結果冇俾當時禮法綁死！接受了此一安排！後世也冇攻擊佢亂倫！反稱之為秦晋之好！

可見事物微妙之處！

晉文公另一思想突破, 是在同楚國戰争（退避三舍之役！）, 楚強晉弱！晉文公大懼！晚上發了一夢, 自已同楚王一同角力, 俾人打到仰天而瞓直, 楚王騎在佢身上, 敲破佢頭, 食佢d 腦漿！

夢醒大懼！講俾身邊軍師聽！誰知軍師一聽, 自稱是解夢高手！主公面向天而卧, 乃得天之助（咁都得！）！而楚王騎住你, 即伏地臣拜！食君之腦乃君以柔制剛（胡說八道！）！此夢大吉！

晉文公見軍師咁講！信心大增！先退避三舍示之以弱！再用計以弱勝強！大勝！

這個故事, 就說明了古代有智慧的人, 並不迷信！反而利用了迷信, 去增強自已的信心！不像今人被一些言論迷惑, 一聽到什麼民主, 公投, 起義, 女神就發晒狂！冇晒獨立思考的能力！被此類言論綁死咗！跳不出來！

觀乎古人之智, 就可知今人之不智也！明冇？

這就是讀歷史有趣之處了！