東周列國志 之 讀歷史的感悟 3

留意歷史故事中人物的想法, 根本上很多智慧就在其中ｏ

例如管仲同召忽都是幫公子糾爭晉國的王位！但管仲被齊桓公詐死呃倒, 桓公先回國即位！公子糾爭位失敗被魯國國君殺死！（因不敢得罪齊國新君桓公也！）召忽自殺殉主！管仲同召忽講, 世有死臣, 必有生臣, 願保住自已條命, 為公子糾呼寃！（其實佢知自己老友鮑叔牙, 救緊佢！自已一定唔駛死！仲有大把世界等住佢撈添！吹水甩身而已！可見忠義義氣的狡滑！）

呢件事的教訓, 就係做人唔好咁死儍！吓吓都揀去死！死人都揀唔好死住先！一死就セ希望都冇啦！留番條命至緊要！

例如漢高祖劉邦俾項羽追殺, 連自已親生骨肉都推落車, 減輕d磅, 走快d！就是一例！

讀歷史, 個個有智慧的明主,賢臣 都不會揀犧牲自已去死的！多數由下屬或所謂忠臣去替死！項羽烏江自刎俾人笑足幾千年！失敗就死？正死蠢也！

而且做人要先先安排好晒退路, 然後至好去搏！咁就搏輸都唔駛驚啦！今次管仲早同鮑叔牙夾好一人幫一邊！嬴硬！

管仲死前, 指出三個大奸賊, 易牙, 豎刁, 開方不近人情之處, 叫桓公咪鬼信呢三條友！

易牙為咗整d 正嘢比桓公食, 連自已個仔都煮埋！豎刁為咗接近桓公, 自宮做待從（傍友！）, 而公子開方自已國家的繼承人也不做！去接近桓公揾着數！三人皆心不可測也！如此過般的人, 真真信唔過！

但桓公的看法, 卻恰恰相反, 勉強依從咗管仲, 結果都忍受不了冇得玩樂的人生！失敗告終！

讀歷史, 好在大家見埋班友收塲！邊個啱, 邊個錯, 一目暸然！冇得拗！

現實世界卻是……..

周公恐懼流言日, 王莾謙恭下士時ｏ

假若當年身便死！一生真偽有誰知？