唱歌搞show两為難

講佐咁多歷史, 又應網友要求, 講吓玩粵曲的苦與樂！其實以往黄sir都或多或少寫過, 又不妨包裝吓, 舊事重提ｏ

先談同D曲友上深圳玩操曲, 黄sir 以前剛玩時, 有對夫婦十分（關照）早上在三島飲茶, 例牌就快開局, 就叫黄sir同師妹先往開局唱頭曲, 千祈咪遲, 益曲社！佢地夫婦就留後埋單兼歎耐d（通常玩都係AA制！但事後張單, 又好似叫多好多嘢歎添噃！）原來此對夫妻最唔鍾意唱頭曲！（因食完嘢, 未落隔！）總之避得就避！

有D朋友就北角再過一個站（麗池…….例遲！）約佢十一點三島飲茶, 佢就十二點半仲係大圍坐緊火車！

最妙就有D一泥到, 未坐低, 就話趕時間, 要先唱, 唱完即走！（咁趕, 唔知泥做セ呢？玩之馬, 又唔係返工！）有D就遲到三點後至泥, 剩低两三隻佢唱晒算啦！（原來有人係唔想聽人地唱嘅！）

但又D 又懶理人地安排, 一局七八首歌, 佢唱鬼晒都得！有個仲妙, 人地約咗個旦唱, 佢就先唱平喉先同人個旦唱, 再唱子喉同人個生唱！咁都得！佢玩晒佢啦！

總之形形式式, 各式其式！有時想開開心心玩番日, 都要揾啱人腳至得嫁！