唱歌搞show两為難 1
2010/08/23 12:37:06
網誌分類:
寫作
講到操曲出事, 真係多不勝數o事關十人就生九品, 人人性格不同, 唱歌人人天賦不同, 悟性各異, 有人肯虛心受教, 有人就厓岸自高!
黃sir見過有人自稱叻過新馬仔, 又好過何非凡!又難得有頭架掌板認同!大加讚許!搞到當事人都當真!
亦有d人謙到你覺得, 駛唔駛咁死虛偽呀?有人唱咗成世歌, 都認牛奶咀!拜晒名師學藝, 都認跟陸師傅學(錄音帶!)o亦有人連工尺, 收腔都末識, 就自號天下無敵!總之形形式式, 各適其適!見怪不怪!
有d友, 識小小就扮代表, 開口就蒒覺先, 埋口就李向荣!大佬, 呢d人物, 係戰前噃!黄sir都係勉強攀車邊聽過!邊有資格批評欣賞呀?閣下咁利害?失敬!失敬!
有d人, 講就天下無敵!做就有心無力!一開聲!你會問, 乜歌壇泥左隻烏鴉?
出show仲多騎呢友, 有以拋曲寒背, 就以為似足任劍輝!亦有唱到烏厘媽义, 就賣飛想收錢!最妙就係一邊大老倌, 一邊就牛奶咀, 唱到大老倌都冧晒!一樣得!
總之曲壇多趣事!講十日十夜也講猤完!
如果有不幸俾黄sir踩親d曲友!唔駛理黄sir嫁!咪鬼理佢胡說ハ道, 趙是!
回應
(0)
我要發表