唱歌搞show两為難 3

其實出show又要駛錢, 又要操曲, 又要化裝, 又要做衫, 又驚出醜！點解仲咁鬼多人鍾意出SHOW呢？

聽講有D婆婆出SHOW,  D仔呀,  D孫呀, 鬼咁識做, 人人封封大利市, 計計埋埋收成幾皮嘢, 仲好揾過請番泥溉老倌, 你話出唔出得過嘞？！ 佢唱唔唱倒, 都冇乜所謂啦, 有一边大老倌唱俾你聽, 都算有交待啦！

有時見D老倌唱到冇晒癮, 佢交番泥嘅線口, 完全都唔啱, 大姐, 點唱呀？

有次黄SIR去捧人塲, 聽完歌仲有餐免費消夜, 大魚大肉, 同D音樂師傅, 曲藝名家, 吹水食嘢, 快活過神仙, 真係多得呢班豪客也！只要把口唔好咁衰！讚吓人唱得靚！燈光夠光！音響夠大聲！塲地冷氣夠大！咁就大把嘢食矣！

至於去社區會堂捧塲, 衰衰地, 聽完都有包餅乾或者福麵, 重手D两公斤米一包都有, 托到身都側埋！有陣時有d紅船油, 跌打酒都好好用！黃sir屋企大把！都冇セ機會用！有陣化霴品, 痔瘡膏都有！黄sir唔知要泥做セ？

有次黄SIR参加過一個敬老SHOW, 聽完居然每人有封五十文大利是派, 獎勵D聽到尾嘅長者, 當年我未算長者（而家都未算！）, 但我有聽到尾嘛！不過果班亞太真係唱得好鬼死難聽！唱李慧娘, 你會以為隻真鬼出現！嚇死人！

呢D SHOW的安排, 好過盂籣盛會派米好多, 盂籣盛會派米派到D長者暈晒係街！粵曲SHOW, 有歌聽（雖然有D真係好鬼難聽, 但有禮物噃！）有冷氣！有時好彩仲有現金獎！想點呀？

間不中, 聽倒黃SIR呢D超班馬, 冇獎品獎金都應該捧場啦！有禮物！浏飯應啦！係咪？嘻嘻！