唱歌搞show两為難 4

大部份免費SHOW, 都類似私人派對居多, 而有一邊係老倌, 職業唱家, 曲藝老師, 巳屬值得捧場嘅佳作矣！两边都係業餘, 就要睇彩數了ｏ

但有D搞手卻財迷心竅, 得一边聽得嘅SHOW, 居然賣飛去賺錢, 認真無良！搞吓慈善不扣除開支, 就算有小小誠意！有d扣除開支後, 居然鉁！咁點橒善法呀？

黄SIR領過一两次嘢, 提起要買呢類飛, 就耍手擰頭ｏ但有時又人情難卻, 迫住要捧場, 十分吹漲！D友認真唔化, 得一边聽, 起碼都半價啦ｏ（近年小弟已可買半價飛, 咁又冇咁谷！但有時又唔好意思出声, 唔想認老, 咁就只好啞仔食黄蓮！）

有時呢類SHOW, 你根本唔駛買飛, 到時到候就有人賣唔倒飛, 要送俾人睇, 否則入到去得三四成人, 點似樣？高山文化甚至新光門口, 大把呢D執死雞客, 有時佢地D位, 仲靚過你買飛果D, 你話吹唔吹漲！

講起有d藝術友, 懶有原則, 死人都唔派飛, 結果入到去小貓三幾隻！鉁到亞媽都唔認得, 真係我見猶憐！藝術何價？

有次我冇飛, 誰知去到門口, 已經有個靚女, 問黄sir係咪要飛, 令我快樂了半陣子, 唔通我仲算靚仔？有D吸引力？吓？

講到搞SHOW分飛, 都要有D學問, 千祈唔好分晒全行俾同一組唱口, 一個唔該,果組人唱完, 成行人走晒入後台影相送禮, 前台冇佐成行人, 就認真難睇矣！

仲有千祈咪將多餘嘅飛, 俾門口D執死雞黨, 佢坐佐係你隔離, 你就永無寧日矣！D友根本都唔識欣賞, 入到去瞓覺, 傾計, 有次仲同人爭執, 嗌交, 發癲, 真係呢個世界乜人都有也！

搞SHOW, 同去聽粵曲, 都要有D智慧至得嫁！