角子英雄 2

2010/09/02 14:30:22 網誌分類: 嗜好

02 Sep

上星期（黄SIR牛一）往澳門渡假時, 主要是飲飲食食同玩吃角子老虎機！而家d機已多用電子現金券！已不用吃角子了！名不符實了！

在新濠天地賭塲二樓, 在電梯附近, 該日黄sir剛剛經過, 見有一部六個座位連線的角子機ｏ呢部機叫BIG EVENT（大件事）ｏ連線六個座位中, 任何一位中feature 大獎, 六位参與者就look up 頂端的大電視, 看看玩倒乜嘢獎, 全部六人齊齊得分！十分刺激！

呢部機好玩之處, 比如一家人（六位！）一齊玩, 齊齊中, 一齊歡樂, 十分開心也！

當日黄sir眼見一位仁兄, 用一百元, 嬴了二千多元！後來玩到千八元就起身攞錢走！十分有分寸！抵佢嬴也！

通常玩此類遊戲, 很多人的通病, 是假設咗冇可能嬴！（在以往何鴻燊獨霸年代, D機較到冇機會嬴！）變佐冇心機去玩！有d就刀仔想据大樹, 一百皮就想發達！通常一角機, 五十條線, 每次五皮嘢, 二十次冇分（比較少見！）就玩完一百大元！準備五百元至一千元玩就比較襟玩d！通常黄sir黑仔輸左二三百就咁收手！