角子英雄 3

在威尼斯人賭塲內近大運河區梯邊貼牆有一排機, 叫MONOPOLY（大富翁）ｏ其中有一部黄SIR 至愛, 是有個卡通人物（MARIO）帶住着小狗, 行吓行吓！十分生鬼！

但出現BONUS時, 就LOOK UP 有獎分！每次得獎後, 尚有一卡通人物叫你估左右手, 一邊是GO ON （繼續）一邊就 COLLECT（收皮！）估啱就繼續！估錯就收皮！

此機的音響同畫面設計得十分有趣, 當你中咗一二百分, 成堆金幣洒出來！非常有快感也！有時玩得耐, 黄sir返房瞓時, 腦中尚留有此畫面也！黄SIR又試過中五個相同畫案連線, 成千皮都嬴過！

連線另一機種是一架幸運快車, 出現BONUS就開動！而在上方螢光幕有一大富翁棋盤！此FEATURE 時根據两粒骰仔的點數, 去決定有幾多次free spin！嬴的時候十分好玩！

最唔好彩, 可能有人剛剛中了大獎, 後來者就可能供死會了！當架機緊的時候就冇咁好玩了！黄sir通常就笑稱: 遇倒 饑（緊）三十也！

通常黄SIR 輸得二三百文, 就要走頭！休息吓先！等運到至玩！或者自欺欺人換一張新五百紙, 扮另一新客加入！企圖轉運！

幾時運到？唔知架！嘻嘻！