角子英雄 4

2010/09/03 16:19:19 網誌分類: 嗜好

03 Sep

傳统的角子機, 有隻叫財神機（畫面有個中國財神果隻！）的都幾好玩, 順序出三碇金或以上就得feature獎, 有free spin 同乘大倍數揀, 通常黄sir多數揀十五次free spin 同 3 , 5 , 7 倍數果瓣ｏ而在free spin中又可能再得三碇金或以上, 又再獎, 十分刺激！這種機黄SIR試過嬴過千元！嬴, 就自然好玩也！

此機種又可玩七條緣, 十五條線, 二十五條線之類. 如五分機, 一次七條線才三角半！好抵玩！五舊水玩半日也輸不了多少！KILL TIME 等人就最佳選擇了！

又有一機種叫HOT HOT PENNY 又係幾好玩, 成日會出FEATURE俾你, 黄SIR玩過好多次, 都可以和和果果冇セ輸嬴！（通常和和果果, 即係嬴咗了！需知據澳門公佈數字, 平均一部角子機, 每日可嬴千七至千九文也！即平均玩一粒鐘要奉上一百大元才啱數！所以和和果果, 賺倒玩已好好嘢了！）

至於有一隻飛龍機, 三粒明珠就中FEATURE, 黄SIR試過一坐低, 成個畫面除了两瓣, 全是飛龍！中左三千幾文！即刻收錢走人！但此次後, 再玩此機種, 多數輸俾佢！可能果次中鬼晒D LUCK了！

賭塲中, 仲有各種形形式式的機種, 很多連黄SIR都唔知點玩？有次見個大陸佬中咗FEATURE, 要TOUCH SCREEN 揀才可玩落去！黄SIR見佢傻更更唔識TOUCH SCREEN , 教佢玩, 點知佢一TOUCH SCREEN玩就玩完！真黑仔！

有D賭塲, 居然有D二仙機, 五仙機已屬好抵玩！何况二仙？在十六浦就見倒有！新濠天地最平都要五仙至得！不過有部酒店升降機角子機, 都好得意, 中FEATURE 就有四串火車（上下左右）决定幾多次FREE SPIN ！又由旅客中貧富决定分數的倍數！有時又可中白金升降機！都幾好玩！相信各賭塲都有D特別機種吸引D客！等下次黄SIR去時, 四圍睇吓先得！