賭搏無必勝
本周日就是今季馬季開鑼日, 又是黄SIR搏彩爭勝日！
大家日常接觸的股票, 投資, 同賽馬一樣都有賭搏成份！做人真係好難避得開要搏吓彩數也！君不見去旅行也咁大風險！仲唔化乎？
賭六合彩也是搏彩, 只不過二十大元, 小賭怡情, 輸不足惜罷了！
賭馬更是搏彩無疑！一估唔中就輸錢！真係十分剌激！點解黄sir明知山有虎, 卻偏向虎山行呢？就是視小賭怡情是消遣而已！
賭馬此遊戲, 好玩之處是每塲一定有勝出組合的ｏ問題係閣下可不可以揀中！但黄sir就一定中硬！ 點解？例如買WIN, 出馬十四隻, 全部買晒就一定中硬啦！犀利啩？（只不過有百份之七, 八十機會都是開十四倍以下的, 是輸多嬴少的蠢辦法！）
所以要嬴錢就只能去揀D真正嬴出的馬ｏ 但有機會的馬（通常有三至五匹在十倍以下叫做熱門）買晒一樣輸, 中咗都輸ｏ所以只能買一匹, 呢種賭法叫做獨頭WINｏ必勝的賠率就很乏味, 中咗都冇肉食ｏ三至五倍有肉食, 但一定有幾隻俾你揀, 有時仲全部都唔係, 所以獨頭WIN, 我好少賭ｏ（唔買又點會輸呢？所以結論是, 賭馬想唔輸最易！就係唔買！）
至於賭連嬴（要揀中頭馬同二馬）或位置連嬴（所揀两隻馬要在三甲內）, 如果你將十四匹馬塲次, 臨塲一看電算機就可以分為冷熱两大類ｏ（這就是我要入馬塲的原因了, 因為全部賭仔的刨馬心得, 都已經反影在彩池之上, 根本上都唔駛刨馬經, 己得知边幾隻馬有機會了ｏ）
只要在冷果堆, 其中一匹跑入三甲, 已經足夠令很多人雞毛鴨血了ｏ（跑第一就殺晒D熱WIN, 跑第二就殺晒D連嬴, 跑第三就殺佐两瓣位置連嬴！）
在三甲中, 有時一匹, 有時二匹, 有時三匹都是冷門ｏ 你就是要揀边幾匹可以令人鷄毛鴨血的（即是黄sir想看看佢地呢班友點鬼樣呃人！）, 我曾經將歷年賽馬結果, 做過了科學的统計, 有百分之七八十塲次都係咁嘅, 唔會錯嘅, 唔信你自已做吓！）
三匹熱門都入三甲, 唔係冇, 係少, 猤中也罷！（所以有時全日開熱門, 黄sir的理論就失敗！兼輸到鷄毛鴨血矣！嘻嘻！不過好少如此！因為馬仔局就是老千局, 叫老千唔呃人？好難咯！）
所以結論就係, 中冷馬才是最勝之道！嘻嘻！（亞媽就係女人！）
