人生無必勝

眼見菲島事件, 姓梁一家五口的遭遇！黃sir真係感慨良多！

梁先生畢業於港大, 從事工業又設有厰ｏ女兒（21歲）同兒子（18歲）己往加拿大留學！幼女都十四歲了！两夫婦應該十分幸福吧！看看佢三個兒女的歲數就知佢两夫妻, 幾咁對人生有計畫！誰知橫禍飛來！四日短程旅遊, 幸福人生竟落得如斯收場！完全令人不能接受也！只能講一句世事無常, 還可以說些什麼呢？

通常人的一生, 沌沌噩噩幾十年, 還不知自已可以對世界有什麼貢献, 就可能已經走完了很多年的日子了！

做人實在太應該感恩了！

還有朋友肯同你飲餐茶, 同你唱首歌, 同你跳隻舞, 就應該非常感恩了！

有一次在酒樓, 黄sir見有位婆婆, 不知何故, 叫了滿枱食物, 猛打電話叫人泥同佢食！一路打一路發脾氣！結果一個又一個的失望！後來居然見佢邀請酒樓的部長坐低食！但部長碍於店例, 也只能婉拒！你話慘唔慘！

當閣下有歡樂, 甚至美酒佳肴都冇人同你分享時, 你就知自已做人, 是何等失敗了！