人生無必勝 2

講開人生無必勝, 又令黄sir回憶記自已走過的路！

七十年代黃SIR初出茅廬, 市塲上有人推銷一隻叫愈富基金的產品, 黄SIR當年有D大學同學都幫手推銷, 有D仲夠胆返大學叫D教授去投資, 居然又真係有D教授落叠！（即上當！）

此隻基金, 一如一般投資騙局一樣, 初期就似模似樣, 有D成績ｏ一旦人人入局就一瀉千里, 一如現今之新股狂潮一樣, 模式完全一樣ｏ 最後結局, 大家可想而知ｏ愈富變咗愈窮！最後當然係連渣都冇啦ｏ

呢個就係黄SIR第一次對人生投資基金的印象了, 後來又揭發有基金管理人古惑, 嬴錢, D投資就歸自已, 輸錢, D投資就入基金數, 所以黃SIR都係唔信基金呢尾嘢ｏ

但後來發覺理工（初是學院後來变了大學）用了三個基金管理自已同事的強積金！結果在黄sir退休時都保障了可取回應得之數目！

近年盈富基金就似乎幾穩陣, 因呢隻基全自動同桓指成份股掛鈎, 桓指昇佢就昇,桓指跌佢就跌, 一目了然, 又有息派, 又唔驚有倒閉危險（大佬, 全部桓指股票倒閉, 香港都冇啦！）呢隻基金就買得過, 佢就係2800嘞！

至於保本基本, 穩陣得滯, 冇乜錢嬴ｏ 黄SIR都買過, 到期都唔再買矣！上次剛退休, 冇有識死（根本冇預過自已係會死溉！）一買就係五年期！唉！而家到咗期才知驚！人生仲有幾多個五年呢？

聽聞有d銀行呃d婆婆, 將定期改咗做十年才到期的保險！分分鐘亞婆到死果日都攞唔番d錢也！真無良！

相信很多人一生中, 處理金錢的問題, 一定有好多不同的際遇！