生活的智慧 7

今日黄SIR介紹的生活的智慧, 是 ”裁花之意”

話說有位得道高智禪師, 平生最喜愛是種蘭花（有D成百萬一盤）ｏ 某日佢外出, 叫徒弟仔代照顧佢最鍾意的一盤ｏ（特別關照也！）

誰知此君, 正一大泡和, 一個唔該整鬼死咗佢盤花！

徒弟仔當堂驚到鼻哥窿冇肉（黄SIR都未試過鼻哥窿冇肉, 唔知鼻哥窿冇肉有幾驚？）

禪師回來, 小徒弟死死氣話俾禪師聽, 叫師傅罰佢, 以為呢次仲唔死梗！

誰知禪師居然咁話: 徒弟呀徒弟, 我種花就是為了快樂, 我又點會為冇咗盤花, 而唔快樂呢？ 咁樣係違反咗我裁花的本意呀！所以冇咗盤花, 不過小事而已！冇相干！（這就是禪師的智慧了！）

經常見一些朋友為一些生活小事動怒！忘記了大家相聚的本意, 是為了尋求快樂！又何必為了一些枝枝節節的想法, 而不快樂呢！

正如很多朋友學曲唱曲, 忘記了唱曲的本意是尋快樂！結果弄到反晒面！冇晒朋友做！這就是缺乏了上文裁花之意的智慧了！