生活的智慧 11
2010/09/28 09:47:45 網誌分類: 哲學
做人想舒舒服服, 真係要有d智慧至得!因為生活就難免與人相處!與人相處根本上就係一門大學問!正所謂十人就生九品, 個個人個腦都裝住d唔同嘅嘢!一個不小心, 得罪左人, 就真係冇好日子過!
有時根本上你踩親人, 你自已都未必會知道!因為問題唔係你果度, 問題係對方果度!死未?
在金庸小說中大英雄喬峰, 被丐幫幫主夫人馬夫人狂屈, 害到佢鷄毛鴨血, 一直不知何故?
至到馬夫人死前, 才講出要害喬峰的原因, 是因為在一個公開的場合, 馬夫人出現, 人人都驚艷, 但喬峰卻正眼也不看她, 令她覺得自已受到侮辱, 一定要想法子去整喬峰一下, 這個她心目中的(偽君子)!
(喬峰都吹漲!咁都領嘢, 有時真係防不勝防也!)
至於在拍案驚奇中有一段, 描寫一個人被一位狂人瘋狂攻擊, 不斷追殺, 如有十寃九仇o
到佢被殺之前, 佢要求對手講出, 點解咁恨佢!
對手話, 你記唔記得, 有一次在市集上, 我賣一塊古玉, 等住返屋企同老婆和兒子睇病, 你不明不白, 人地已想買, 你就在旁口不擇言話, 呢塊玉可能係假嘅(随口噏,貪口爽)結果累到我賣唔成o我老婆及兒子冇錢医, 病死晒o 我而冢剩下來生存的目的, 就係揾你報仇!
(唉!你話幾鬼寃枉!)
所以生活要有智慧, 都要遇到d智慧之士至得!遇倒d冇智慧之士!蛇都死啦!
回應 (0)
我要發表