生活的智慧 12

黄sir平生最憎d人, 識小小, 就扮晒代表, 同埋懶有原則, 客套說話也唔會講！其實讚吓人駛死咩！好口D駛死咩！叫佢讚吓, 就難過登天！懶識野咁！有時仲係……係都要同你講 ”真” 話！最慘仲係, 要黄sir都講真話！

就以唱曲為例, 黄sir一自學曲開始, 就不斷受到各路英雄爭相吹捧！

一自唱大審…….嗌到声沙, 被譽為有官威！

唱任白庵遇, 飄渺間……..高音声沙沙地……等同任姐有得揮！

江湖上, 被號為玉面金喉！靚聲黄！

人稱唱得好過龍貫天！直迫新馬仔！拍子準到…….爭一两拍就追得番！

真係快樂無邊！

心想娛樂唱片公司, 仲未同黄sir出碟, 誠歌迷一大損失也！

豈料世間偏多懶有原則之輩！此類人, 就係會在人地BB滿月酒席上, 直指人地BB注定要死！又睇吓人地BB……….幾時死之人！

大家評評理, 此等人是否十分冇人性！不懂人情世故！毫無生活智慧的人！（簡直就唔係人！）

此輩所言, 真則真矣！實則實矣！有D人以為唔出聲！黄SIR就唔知佢地個心點諗？其實你唔讚我, 一樣死！我都知你地點諗矣！唔通你識……..多謝分享我, 我就唔識……….多謝分享你乎？

如此一來！黄SIR歌星夢………就慘遭幻滅矣！

人生最慘情！莫如遇倒此類, 毫無生活智慧的大笨蛋也！