勁衰

話說我係好易倦既, 所以搵左好多 晚睡早起要則正在試行。嚮搵到呢d方法之前, 我一起身就9點幾, 之後上網食野咁, 又執下屋執下file,跟住食午飯, 又一個早上。食完飯呢, 上星期仲係繼續執堆衫, 所以功課同溫習方面做得好唔夠。

知衰既時候, 就係講師問問題, 好在唔係點名問既~~同學答到, 點解我答唔到既? 因為上完堂冇溫, 又恃住自己帶手提電腦上堂, 唔使印野出黎, 唔印又唔睇……

個講師大概發現有個唔答問題既人- 我。好在佢尋晚有一半時間教我地用個類似整網頁既野, 呢d我咁拿手, 總算嚮講師面前威返次。但呢d咁表面既野, 落唔到課程最深層既地方, 點解我可以咁冇料既?

下星期第二科有份功課要交, 近日不斷為份功課想法子, 其他科咪冇理到囉。一到要做功課我就咁現實, 但講到尾, 呢d科咪一樣要做功課同睇資料既, 雖然係10月同12月交功課既分別……

實習只要一開始, 話咁快就12月, 到時睇自己點死/ 點樣已經追返未追到既書。