黄金歲月 13

記得當年電台播曲, 有得點唱, 有個DJ 叫做尖小平！仲係個女人泥添！黄sir只聽過佢把聲, 未見過其人！相信身材一定麻麻！又尖, 又小, 又平…..全部冇料到！仲有個叫陳任, 最近見報載, 話佢癌病去咗矣！

果陣成班人, 好鍾意你點D歌俾我聽, 我又點D歌俾你聽, 有時仲加多句, 請人留意歌詞！大家搞笑一番！

例如: 福寿長生店東主嚴命長……點支 ”終於有日等倒你”俾 果頭近先生聽！叫佢留意歌詞！

姣婆珍……點支 ”再回頭也不要你！” 給傻仔強聽！叫佢唔好再打電話俾佢！

肥婆四老公…….點支 ”今天不回家”俾佢個衰老婆聽, 叫佢咪鬼煮重佢米！

仲有吳枝睡先生點枝 “你還在等我嗎？” 俾李路媚小姐聽, 叫佢留意歌詞！

仲有吴講住小姐點支 ”一見你就笑！”俾 你講先先生 聽！祝佢年年有今日, 衰衰都有今朝！

仲有老作某同學追求某女仕……甚至老師！通過電台傳情達意一番！

通常d人名, 多數老作！DJ又照讀！好搞笑！

果時有d工厰工作間, 一路工作, 工人一路要聽住點唱至肯開工添！

唔知大家仲記唔記得呢？

當年電台點唱真係好好玩嫁！有冇人玩過呀？